Մի բրենդի պատմություն: Ո՞րն է Red Bull-ի գաղտնիքը

   Red Bull GmbH հավանաբար ամենահայտնի էներգետիկ տոնուսավորող խմիչքն է :

 Բաղադրատոմսը, որով այն պատրաստվում է, վաղուց հայտնի է եղել Ասիայում: Ֆիրմայի հաջողության գաղտնիքը այն է, որ ընկերությունը այս ասիական խմիչքը համապատասխանեցրել է եվրոպական իրականությանը՝ ոչ շատ փոխելով իր բաղադրության մասերը և չխնայելով քիմիան: Բայց նույնիսկ ընկերության հիմնադիրները չէին սպասում, թե ինչ դիրքեր կարող է գրավել խմիչքը համաշխարհային շուկայում: Սկզբից նվաճվեց Եվրոպան, հետո Ամերիկան, իսկ այնուհետև խմիչքը վերադարձավ իր պատմական հայրենիքը՝ Թայվան և ամբողջ Ասիա:

  Ի դեպ Red Bull-ի անվանումը ևս վերցված է թայվանական լեզվից, այնտեղ խմիչքը անվանվում էր Krating Daeng, որը թարգմանաբար նշանակում է «կարմիր ցուլ», Red Bull:

Խմիչքի հիմնական բաղադրիչներն են թաուրինն ու կոֆեինը: Ինչպես նաև բաղադրության մեջ այնպիսի սարսափելի անվանումներ կան, ինպիսին են՝ գլյուկուռոնոլակտոն (արտադրական գլյուկոզա), որը շատ սննդամթերքների մեջ ևս առկա է, նիկոտինամիդ, ինոզիտոլ, ռիբոֆլամին և ժամանակակից օրգանական քիմիայի շատ հրաշքներ:

 Եվ մենք չէինք էլ իմանա այս դեղագործական հրաշագործության մասին, եթե չլիներ ավստրիացի ձեռնարկատեր Դիտրիխ Մատեշիցը (Dietrich Mateschitz): Համտեսելով Krating Daeng-ը՝ նա նշեց, թե որքան բարձրացավ իր աշխատունակությունը, չնայած ժամային գոտիների կտրուկ փոփոխությանը: Ստանդարտներին համապատասխանեցման, տարբեր լիցենզիաների ձեռք բերման և այլատիպ բյուրոկրատիայի համար որոշ ժամանակ պահանջվեց ֆիրմայից և արդյունքում 1984 թվականին ստեղծվեց Red Bull GmbH:

  Սկիզբը շատ անհաջող էր: Ստիպված եղան էներգետիկ խմիչքների շուկան սկսել զրոյից: իսկ Դիտրիխը այդ ոլորտում փորձ չուներ: Առաջին մի քանի տարին ընկերությունը  միլիոնավոր վնասներ էր կրում: Բայց գրագետ ու ագրեսիվ մարքեթինգը իր գործը արեց: Red Bull GmbH-ը գրագետ ընտրեց իր ապրանքի թիրախային լսարանը: Այն սկսեց տարածվել և գովազդվել գիշերային ակումբներում ու համալսարաններում: Իսկ այստեղ նույնիսկ պարզվեց, որ այն  շատ լավ համատեղվում է թունդ ալկոհոլի հետ:

  Աստիճանաբար սկսվում է Red Bull-ի առաջ մղումը որպես իդեալական խմիչք սպորտային մրցույթների համար: Երևի շատերին է հայտնի օդային մրցույթները՝ որոնց կոչում են  աէրոբատիկա, երբ օդաչուները (ովքեր պետք է լինեն իրենց գործի պրոֆեսիոնալները) հաղթահարում են օդային տարածքները՝ անցնելով զանազան խոչընդոտներ: 

  Նման մրցույթները անցկացվում են տարբեր երկրներում՝ սկսած 2003 թվականից: 2015 թվականին այդ մրցույթը անցկացվում էր Ճապոնիայում: Այն բավականին թանկ, բայց չափազանց յուրահատուկ ներկայացում ու ազդեցիկ գովազդ է:

  Դիտե՛ք մրցաշարից հատված:

   2005 թվականին ձևավորվում է Ֆորմուլա 1-ի Յագուար թիմը (Jaguar), որը այժմ հայտնի է Red Bull: Այն բավականին հաջող է հանդես գալիս, այնքանով հաջող, որ կարող է կրկին որպես լավ գովազդ ծառայել:

  Red Bull- ակտիվների շարքին են դասվում նաև ֆուտբոլային և հոկեյի ակումբները՝ համանուն անվանմամբ: Ընկերությունը ակտիվորեն մտնում է մեծ սպորտի մեջ:  Ֆիրման իրեն կարող է նման բան թույլ տալ, Red Bull- եկամուտները միլիարդների է հասնում, իսկ Դիտրիխ Մատեշիցը դարձել է պատմության մեջ առաջին և դեռևս միակ ավստրիացի միլիարդերը:

  Առանձնահատուկ կարելի է նշել նաև գովազդային հոլովակների մասին: Դրանք մուլտֆիլմներ են հիշեցնում: Դրանց պարզ ու հումորով սցենարները շատ հեշտ հիշվում են՝ սպառողի գիտակցությանը հասցնելով կարգախոսը, ըստ որի «Red Bull-ը թևեր է տալիս»: Հավանաբար շատերն են տեսել փոքր ավտոմեքենաները, ծանոթ նկարազարդմամբ ու ակներև մեծ թիթեղյա տարայով, որը շրջում է փողոցներով:

  Բայց ամեն ինչ այդքան իդեալական չէ: Red Bull-ի շուրջ շատ են  վեճերը, որ այն վնասակար  է առողջությանը: Նույնիսկ գրանցված են մահվան դեպքեր, երբ մարդկանց սրտերը չեն դիմացել խմիչքին: Մի շարք եվրոպական երկրներ, ամեն դեպքում, արգելել են խմիչքի վաճառքը: 2007 թվականին իտալացի մի հոգևորական ուժեղ վիճաբանություն սկսեց, երբ հայտնվեց Red Bull-ի սուրբ ծննդյան գովազդային հոլովակը, որտեղ հովիվները նորածին հիսուսին որպես նվեր բերում են փաթեթավորված Red Bull, ընդ որում որոշ հրեշտակների երգի ներքո՝ որոնք թևեր էին առել Red Bull խմելուց: Այնպես որ անախորժությունների պակաս ֆիրման չունի:

  Այնուամենայնիվ, Red Bull-ը ունի շատ մրցակիցներ (Jaguar, Red Devil, Non-Stop, B-52, Tiger, Revo…), բայց նույնիսկ նրանք բոլոր միասին չեն կարող արժանի մրցակից լինել Red Bull-ի համար:

Հետաքրքիր է իմանալ.

  Որքան էլ, որ տարօրինակ է, բայց Red Bull-ի շատ ակտիվ օգտագործողներ չեն կարող պատասխանել այն հարցին, թե ինչ գույնի է խմիչքը: Չէ ՞ որ նրանք օգտագործում են այն բացառապես անթափանց մետաղյա տարաներով, և շատ քչերն են, որ այն դատարկում են թափանցիկ բաժակների մեջ: Շատերը լսելով հարցը՝ մի պահ մտածում են, իսկ հետո պատասխանում են, որ գույնը կարմիր է՝ համաձայն  իր անվանմանը: Բայց իրականում խմիչքի գույնը գրեթե չի տարբերվում բաց գույնի գարեջրի գույնից:

Տեղ, Վարկանիշ, Տարի

 2015

94           Աշխարհի ամենաթանկ բրենդները (BrandZ Top-100), 2015

76         Աշխարհի ամենաթանկ բրենդները (Forbes Top-100)2015

2014

74           Աշխարհի ամենաթանկ բրենդները (The World's Most Valuable Brands), 2014

92           Աշխարհի ամենաթանկ բրենդները (BrandZ Top-100), 2014

2013

69           Աշխարհի ամենաթանկ բրենդները (The World's Most Valuable Brands), 2013

83           Աշխարհի ամենաթանկ բրենդները (BrandZ Top-100), 2013

2012

64           Բրենդներ, որոնք կարող են փոխել աշխարհը (Planet Brands), 2012

80           Աշխարհի ամենաթանկ բրենդները (BrandZ Top-100), 2012

2011

93           Աշխարհի ամենաթանկ բրենդները (BrandZ Top-100), 2011

2010

82           Աշխարհի ամենաթանկ բրենդները (BrandZ Top-100), 2010

2009

79           Աշխարհի ամենաթանկ բրենդները (BrandZ Top-100), 2009