Մարքեթինգի ապագան

   

Samsung-ի «թափանցիկ բեռնատարները» արդեն ճանապարհին են:

   «Samsung» ընկերությունը սկսել է բեռնատար ավտոմեքենաների  «անվտանգ վազանցով» ֆուկցիայի համալիր փորձարկումը:

   Հարավկորեական տեխնոգիգանտ Samsung Electronics-ը Արգենտինայում առաջին անգամ ներկայացրել է Safety Truck  բեռնատար ավտոմեքենաները և հայտարարել է երկրի ճանապարհներում դրանց փորձարկման մասին: Նոր մեքենաները առանձնահատուկ են նրանով, որ հետնամասում տեղադրված են 4 էկրաններ, որոնց վրա իրական ժամանակահատվածով ցուցադրվում է բեռնատարի դիմացի ճանապարհը՝ երկու տեսախցիկների միջոցով, որոնք տեղադրված են առջևում: Այս տեխնոլոգիան կոչված է  նվազեցնելու վազանցի ժամանակ տեղի ունեցող վթարների հավանականությունը:

   Վիդեոշարի   ցուցադրման համար  օգտագործվում են Samsung OH46D  46 դույմային էկրանները: Վահանակներին տրված են հետևյալ լուծումները՝ 1920x1080 կետեր, պայծառությունը 3000 կդ/մ², կոնտրաստը 5000:1, իսկ դիտման անկյունները մինչև 178 աստիճան: Միևնույն ժամանակ յուրաքանչյուր էկրանը պաշտպանված է, ինչպես խոնավությունից, այնպես էլ փոշուց և կարող է շահագործվել -30-ից մինչև +50 Ցելսիուս ջերմաստիճանային պայմաններում:

  Safety Truck բեռնատարները ներդրվել են Samsung ընկերության և մի շարք այլ ընկերությունների հետ համագործակցության միջոցով: Այդ ընկերություններն են՝ LeoBurnett, Ingematica Helvetica և Volvo Trucks:

   «Samsung-ը մշտապես որոնում է հնարավորություններ առաջատար տեխնոլոգիաների կիրառման միջոցով, որպեսզի բարելավվի մարդկանց ապրելակերպը: Տեխնոլոգիայի ոլորտում համաշխարհային առաջատար ընկերությունը՝ Samsung-ը Leo Burnett ընկերության հետ համատեղ մշակել է «Անվտանգ վազանց» գաղափարը: Մենք հավատում ենք, որ նորարարությունը կփոխի ճանապարհային անվտանգության պատմությունը», - իր թվիթերյան էջում գրել է Արգենտիայում Samsung Electronics-ի նախագահ Սանգ Ջիկ Լին:

  Հարկ է նշել, որ հարավկորեական արտադրողի նախագիծը նվաճել է մի շարք պարգևներ այնպիսի հեղինակավոր գովազդային փառատոններում, ինչպիսին են՝ «Կաննի առյուծներ» և «Կլիո», ինչպես նաև ներառված է եղել Time  ամսագրի «2015 թվականի 25 լավագույն նորարարություններ»-ի ցանկում:

  Safety Truck բեռնատարների փորձարկումը կիրականացվի ընթացիկ ողջ տարվա ընթացքում, որից հետո այն կհայտնվի համաշխարհային շուկայում [Fortune]:

     Նման նախագծեր կարող են իրականացնել միայն համաշխարհային բրենդները: 

Եթե հավանեցիք նյութը,  կիսվեք Ձեր ընկերների հետ:

  

IKEA-ի կահույքը կլիցքավորի Ձեր սմարթֆոնը:

  Շատ շուտով  կահույքի լայնամասշտաբ տեսականի ներկայացնող IKEA շվեդական բրենդը կվաճառի «խելացի» պահարաններ և կահույք արդեն նաև Ռուսաստանում:

«Խելացի տուն» նախագծի շրջանակներում IKEA-ի ինժեներները և դիզայներները մշակում են ինտերիերի այնպիսի տարրեր, որոնք պարունակում են սմարթֆոնների լիցքավորման հնարավորություն: 

  Մի շարք երկրներում, ինչպես նաև օնլայն տարբերակով արդեն սկսել են վաճառել պահարաններ, սեղաններ, սեղանի և հատակի լամպեր , որոնք ունեն անլար լիցքավորելու հնարավորություն: Լիցքավորման դաշտը նշվում է հատուկ նշանով:

  Ցանկացած նախատեսված սարքավորում կսկսի լիցքավորվել, երբ լինի էներգիայի աղբյուրից մինչև 4 սմ հեռավորության վրա:

  Սակայն այս պահին նոր «խելացի» կահույքից օգտվել կարող են մի քանի սմարթֆոններ՝ Nokia, Samsung, Asus, HTC և այլ արտադրողների սարքավորումներ: Հնարավոր է, որ արդեն աշնանը նման ֆունկցիա կունենա նաև iPhone 7:

  Հանրահայտ սարքավորումները, որոնք էներգիա ստանալու անլար տեխնոլոգիայի չեն տիրապետում, IKEA բրենդը պլանավորում է դրանց համար թողարկել համապատասխան շապիկներ:

  Այժմ արդեն կահույքի սուպերմարկետներում վաճառվում են սեղանի լամպեր՝ ներկառուցված անլար լիցքավորումով: Դրանք արժեն մոտավորապես 80 դոլար:

   Ահա, թե ինչպես կարող է ծնվել նոր ապրանքի գաղափար՝ նոր ձևավորված պահանջմունք բավարարելու համար: Չլինեին սմարթֆոնների աճող դերը մեր կյանքում, չէին լինի նաև նորարարությունները: 

IKEA բրենդի մասին կարդացե՛ք նաև այստեղ:

Եթե հավանեցիք նյութը,  կիսվեք Ձեր ընկերների հետ:

Ժամանակի տենդենցները: Ի՞նչ պետք է անեն բրենդները առաջիկայում:

  Ժամանակն է կրկին ուշադրություն դարձնել որոշ վիճակագրական տվյալների և կողմնորոշվել Ձեր հետագա անելիքների մեջ: Այժմ տենդենցները մի փոքր այլ են՝ «խելահեղ ստեղծարար մարքեթինգային ժամանակաշրջանից» տեղափոխվում ենք «կանխատեսվող վերլուծության և ամբողջական ծրագրային պլատֆորմների»: Դա հնարավորություն կտա ստեղծել ազդեցիկ նոր բովանդակություն՝ փորձված  տվյալների հիման վրա, և այն մասշտաբային տարածել: Սակայն պետք է զգուշանալ մեծ տեղեկատվությունից (big data) եկող ինֆորմացիայից, որպեսզի ճիշտ կողմնորոշվենք, որ հաճախորդներն են մեզ համար կարևոր:

  «Եկե՛ք համատեղ նայենք մարքեթինգի ապագային, որպեսզի Ձեր ապրանքանիշերը կարողանան օգտվել ժամանակակից տենդենցների առավելություններից ու ըստ այդմ էլ կառուցեն և պահպանեն  ուժեղ բրենդներ»

Անդրեաս վոն դեր Հեյթ

Andreas von der Heydt

ավագ գործադիր,

մարքեթինգի փորձագետ,

կառավարիչ և մարզիչ

 LinkedIn influencer

Մարդիկ գնալով ընտրություն կատարելու ավելի մեծ հնարավորություններ են ունենում ( նույնը կարելի է ասել մարքեթոլոգների մասին), քանի որ տեղեկատվությունը շատ շատ է: Զուգահեռաբար, մարդիկ ուզում են հնարավորինս քիչ ժամանակ ծախսեն ընտրություն անելու վրա, թե որն է իրենց համար ճիշտը: Փոխարենը, նրանք ուզում են անհատականացված և խելամիտ խորհրդատվություն, որը պատշաճ կլինի իրենց կարիքներին ու պահանջմունքներին՝ ճիշտ ժամանակին ու տեղում արված:

   CRM-ի բարդ գործիքների կիրառումը, ինչպիսին են Insightly, Zoho, Hubspot կամ Nimble, նույնիսկ փոքր և միջին ընկերությունները կարող են օգտվել տվյալների հարստությունից: Այդ տվյալները, ծրագրային ապահովման գործիքները և կառավարման համակարգերը հնարավորություն կտան հավաքել, միավորել, կառուցել և վերլուծել համապատասխան տվյալները և մտքեր գեներացնել, դրանք համապատասխանեցնել արդեն գոյություն ունեցող և նոր թիրախային խմբերի հետ՝ նրանց ինտեգրելով վաճառքի և մարքեթինգային ռազմավարությունների մեջ ու վերջում անել եզրակացություններ ապագա անելիքների վերաբերյալ: Իհարկե, խոշոր ընկերությունները կարող են ավելի բարդ CRM լուծումներ իրականացնել:

Երիտասարդների 72%-ը Facebook-ի օգտատերեր են, 31%-ը Pinterest-ի օգտատերեր են, իսկ 28%-ը Instagram-ի օգտատերեր են: Instagram-ի օգտատերերի  59%-ը ամենօրյա օգտվողներ են, LinkedIn-ի օգտատերերի  22%-ը ամենօրյա օգտվողներ են (աղբյուրը՝ PewResearch study):

  Անկասկած սոցիալական ցանցերը շատ ուժեղ գործիք են դեպի վեբ կայքերը հաճախելիություն ապահովելու առումով: Սոցիալական ցանցերի կիրառումը, որը վերջին 2-3 տարիներին շատ կարևոր է դարձել, պետք է ամբողջովին ընդգրկված լինի յուրաքանչյուր ընկերության մարքեթինգի և իրացման ռազմավարությունների մեջ: 2016 թվականին հատկապես B2B հատվածի համար մեծանալու է  LinkedIn-ի դերը՝ առաջ անցնելով Twitter-ին և Facebook-ին: Պատմություններ պատմելը պետք է դառնա յուրաքանչյուր մարքեթոլոգի արդիական խնդիրը: Ուզում ե՞ք Ձեր բրենդը հաջողի սոցիալական ցանցերում՝ պատմություններ պատմե՛ք:

Լավագույն ապրանքնանիշերը լավագույն կիրացվեն, եթե «լսեն» իրենց սոցիալական մեդիայի լսարանին ամբողջովին ընդգրկվեն այդ տիրույթում (մասնակցեն քննարկումներին, հարց պատասխաններին, անհատական խորհրդատվություն իրականացնեն, ակտիվ պահեն լսարանը):

  2015 թվականին, մայիս ամսին Google-ը հայտարարեց, որ Google-ի  որոնումների մեծ մասը 10 երկրներում, ներառյալ ԱՄՆ և Ճապոնիան, իրականացվում է բջջային սարքավորումների միջոցով, քան համակարգիչներով: 

    Հետևաբար խելամիտ մարքեթոլոգները ավելի մեծ ներդրումներ կանեն բջջային սարքավորումներին ուղղված մարքեթինգի մեջ, ինչպես նաև  կկողմնորոշվեն այն թիրախային լսարանի վրա, որը որոշվում է տեղադիրքը բացահայտելու տեխնոլոգիաների հիման վրա, ինչպիսն են iBeacons և RFIDs: 

Օրինակ, 313 Somerset-ը առևտրային մոլ է Սինգապուրում, որը տեղակայված է Somerset մետրոկայարանի մոտ: Այն առաջինն է, որ կիրառել է բջջային գովազդային արշավ՝ հաճախորդների տեղադիրքի կողմնորոշման հիման վրա: Համաձայն 313 Somerset-ի գովազդային արշավի, Tring313 app օգտագործողներից նրանք, ովքեր մտնում են առևտրային մոլի տարածքի մեջ՝ 50-500  մետր շառավղով, կարող են վաճառքի կուպոնների և զեղչերի մասին  առաջինը տեղեկանալ: Առևտրային մոլի մանրածախ առևտրականները փաստում են, որ շնորհիվ այդ app-ի վաճառքի ծավալները աճել են 46%-ով:

Սմարթֆոն օգտագործողների 36 %-ը օգտվում են նամակագրության համապատասխան ծրագրերից, ինչպիսին են WhatsApp, Kik  կամ Apple-ի imessage ծրագրերը:

 Բոլոր սոցիալական հարթակները այժմ ունեն նամակների փոխանակման բաղադրիչներ, և դրանց կարևորությունը ժամանակի ընթացքում ավելի է մեծանում մարքեթինգային նպատակները իրականացնելու տեսանկյունից: Facebook-ի համար WhatsApp-ը և messenger-ը առավել կիրառելի են արևմուտքում, Չինաստանում կիրառելի է WeChat-ը, Ճապոնիայում  Line-ը, իսկ Հարավային Կորեայում KakaoTalk: Բոլոր ծրագրերն էլ ունեն իրենց ծանրակշիռ դերը շուկայում:

  Այս ծրագրերը իրենցից մեծ հնարավորություններ են ներկայացնում նրանց համար, ովքեր կարող են նման առավելությունից օգտվելով՝ այդ ծրագրերի բեռնումը եկամուտի աղբյուրի վերածել:

Չնայած խաղերն ու նամակագրության ժամանակ առկա զանազան պիտակները (stickers) այս տեսանկյունից ծառայում են եկամտի աղբյուր, բայց այն ստեղծողները օրեցօր նոր ձևեր են մշակում եկամտի ներուժի ավելացման առումով:

Օրինակ, WeChat-ը գերակշիռ դեր ունի m-commerce-ի մեջ: Այն այնպիսի հզոր արդյունքի է հասել, ինչպես որ իր օգտատերերը կարող են այս հարթակի շնորհիվ կինոյի տոմսեր պատվիրել, տաքսի ծառայություն պատվիրել, անգամ կատարել կոմունալ վճարումներ, մի բան որ արևմուտքում հազիվ շոշափում են նման հարթակների առավելությունները: ԻԴԵԱ-Կարո՞ղ են չէ մեր հայ մասնագետները մշակել նման լոկալ, մեր երկրի մասշտաբով օգտագործման համակարգ, որը ունենալ նման գործառույթներ, ի վերջո այդ մասնագետներին հաջողվել է ստեղծել «Zangi»: Այսօր մենք ապրում ենք մի ժամանակ, որ եթե զբաղված օրվա թոհուբոհի մեջ անգամ մի բան մոռանանք, ապա մեր հեռախոսը հաստատ չենք մոռանա:

  Նախորդ հոդվածներից մեկում արդեն խոսել եմ արհեստական ինտելեկտների մասին, որոնց հնարավորությունները ժամանակի ընթացքում անընդհատ աճում են:

  Տարեց տարի մենք ավելի շատ անձնական օգնականներ կունենանք, այսպես կոչված «Chatbots»-երի տեսքով: Արդեն գոյություն ունեցող «Chatbots»-ները կդառնան ավելի խելացի, ինչպես օրինակ, Amazon-ի Alexa-ն,  Apple-ի Siri-ն կամ Microsoft-ի Cortana-ն: Շուտով դրանք կկարողանան օգտատերերին անհատականացված կոմերցիոն առաջարկներ անել, իսկ Դուք չզարմանաք, քանի որ որոնման հարցով անգամ Ձեզ օգնելով՝ այս համակարգերը առաջ կանցնեն անգամ Google-ից:

   Շարունակեք կամ էլ , եթե անգամ չեք արել ուրեմն սկսեք վիդեո նկարահանումներ անել՝ պատմելով պատմություններ: Ըստ կանխատեսումների 2019 թվականի վիդեո հոլովակներից եկող ինտերնատային թրաֆիկը 80%-ով աճելու է ամբողջ սպառողների ինտերնետային թրաֆիկի համեմատ (2014 թվականին  այն կազմել է 64%):

 Մարքեթոլոգները իրենց ուշադրությունը կսկսեն առավել կենտրոնացնել վիդեո տեսահոլովակների վրա, որոնք կներակայացվեն ֆիրմային կայքերում կամ բլոգներում:   Նրանք իրենց գործունեությունը առավել կկենտրոնացնեն այնպիսի հարթակների վրա, որոնք ապահովում են ավելի իրական ինտեգրացիա հաճախորդների հետ ՝ չաթի և վիդեոհոլովակների դիտման միջոցով, ինչպես օրինակ, Periscope-ը կամ  Meerkat-ն է:

   Սպասե՛ք ավելի...

Եթե հավանեցիք նյութը,  կիսվեք Ձեր ընկերների հետ:

   

Ճապոնական հյուրանոցային և ռեստորանային ծառայությունների առանձնահատկությունները:

   Սկիզբը այստեղ.

 Այս անգամ կցանկանամ կիսվել Ճապոնիայի հյուրանոցային ծառայությունների առանձնահատկություններով, սպասարկման յուրահատկությամբ և այլ տպավորիչ գծերով: Կարծում եմ շատ կհետաքրքրի, հատկապես, եթե Դուք հենց այս ոլորտի աշխատող եք կամ ցանկանում եք Ձեր ուժերը փորձել այս ոլորտում կամ էլ ուղղակի ճամփորդելու մեծ սիրահար եք: Դուք կբացահայտեք այնպիսի գծեր, որոնք Ձեր մասնագիտական և ոչ մասնագիտական պրակտիկայում կարող են պետք գալ, և օրինակ վերցնելով՝ կարող եք առաջընթաց քայլեր կատարել:

   Որպես օրինակ վերցրել եմ Տոկիոյի Metropolitan հյուրանոցը, որը 4 աստղանի է:

 Ի դեպ նշեմ, որ աստղերի մասին խոսելիս պետք չէ ուղղակի հաշվի առնել միայն արտաքին տեսքը, ներքին ձևավորումը կամ էլ շինությունների ներսում կառուցված շարժասանդուղքների առկայությունը: Այստեղ աստղ ասելիս շատ բան ենք հաշվի առնում:

    Նույնիսկ Metropolitan հյուրանոցային ցանցի մասին խոսելիս, ես կարող եմ վստահեցնել, որ ի տարբերություն այլ երկրներում առկա մասնաճյուղերի, Ճապոնիայի հյուրանոցները աչքի են ընկնում առավել հարմարավետությամբ, որովհետ ճապոնացիները հենց իրենք են սիրում հարմարավետ ապրել և ամեն բան ստեղծել հարմարավետությունը առավելագույնի հասցնելու համար:

    Այստեղ, օրինակ հյուրանոցային համարներում բացի նախատեսված կահույքից (որը մի տեսակ ավելի տնական մթնոլորտ է հիշեցնում) առկա են հագուստի չորացուցիչներ, օդը խոնավեցնող սարքեր, վերջիններս հատկապես հարմար են, երբ Դուք օգտագործում եք օդորակիչներ (կոնդիցիոներներ), որոնք չորացնում են օդը: Դրանք նույնպես առկա են համարներում: Օդի բավական խոնավությունը կապահովի հյուրանոցի ժամանակավոր բնակիչների հանգիստ շնչառությունը, հանգիստ քունը և առավոտյան լավ ինքնազգացողությունը:

   Հյուրանոցային համարում բացի անհրաժեշտ կահույքից առկա է հատուկ թեյնիկ , որը ջուրը տաքացնում է մինչև 55-70°С և պահպանում է ջրի ջերմաստիճանը այդ սահմանում, քանի որ ճապոնացիաները գտնում են, որ եռման ջուրը «սպանում է» այդ հրաշք ըմպելիքի՝ թեյի օգտակար հատկությունները:

   Առանձնահատուկ ուշադրության է արժանի ճապոնական լոգասենյակների տեխնիկան ու կահավորանքը: Լոգասենյակի և զուգարանի համար նախատեսված հարմարանքները հանդիպում են ոչ միայն հյուրանոցներում այլև հասարակական շատ վայրերում, այդ թվում նաև օդանավակայաններում:

  Առաջին հայացքից այնքան  կոճակներ կգտնեք, որ Դուք էլ կշփոթվեք, որովհետև այստեղ ամեն ինչ էլեկտրոնային է: Զուգարանակոնքերի կափարիչները էլեկտրոնային են, որոնք ունեն ոչ միայն նստատեղը տաքացնելու հնարավորություն, օդի հոտերը չեզոքացնող ֆունկցիա (սա իրական բան է), այլև կատարում են հատուկ տաք ջրով  լվացում ՝օգտվելուց հետո: 

   Ի դեպ, այս մեխանիզմը տարանջատված է նաև տղամարդկանց և կանանց համար, որի մշակումը տարիների հետազոտություն է պահանջել: Այս գաղափարը մշակվել և ներդրվել է Toto ֆիրմայի կողմից, վերջինիս արտադրության տեխնիկան էլ հենց օգտագործվում է: Նշեմ նաև, որ հասարակական վայրերի զուգարաններում բացի անձեռոցիկներից և զուգարանի թղթերից կարելի է հանդիպել մեկանգամյա օգտագործման հատուկ ձևի թղթեր, որոնք կարող եք դնել զուգարանակոնքերի նստատեղերին, օգտվել, այնուհետև դեն նետել: Ճապոնացիները հատուկ ուշադրություն են դարձնում անձնական հիգիենային:

    Հաջորդ կարևոր մանրուքը այն է, որ հյուրանոցում առկա են հոսանքի միացման գոնե մեկ եվրոպական փոխարկիչ: Եթե դեռ չգիտեք, ասեմ, որ ճապոնական հոսանքի միացման կետերը տարբերվում են եվրոպական և շատ այլ երկրների մեխանիզմից: Նմանատիպը կիրառվում է նաև ԱՄՆ-ում:

  Լոգասենյակի պարտադիր պարագաներից են՝ ածելի և հատուկ սափրվելու համար նախատեսված կրեմ, ատամի խոզանակ, ատամի մածուկ,  ականջի մաքրման փայտիկներ, լոգանք ընդունելու համար հատուկ գլխարկներ (եթե չեք ուզում թրջել գլուխը), սանր և հատուկ բամբակյա անձեռոցիկներ դեմքի մաշկի խնամքի համար նախատեսված: 

  Փոքր և անհարմար փաթեթներով շամպունների փոխարեն, ճապոնացիները մատակարարում են մեծ հարմար տարաներով շապուններ, մազերի բալզամներ, մարմնի համար նախատեսված հատուկ օճառներ, որոնք ևս ճապոնական հայտնի բրենդի՝  Shiseido-ի  արտադրանք են, որոնք ի դեպ բավականին թանկ են: Ես այս բրենդի մասին դեռ խոսելու եմ առանձին հոդվածով: Այնպես, որ սպասեք:

   Եվս մեկ կարևոր մանրուք: Լոգասենյակի հայելիները ունեն տեղային տաքացման ռեժիմ, որի շնորհիվ հայելին չի պատվում գոլորշիով, և Դուք կարող եք հանգիստ օգտվել դրանից լողանալու ընթացքում կամ էլ հետո:

 Ճապոնական ռեստորանային կոլորիտը շատ է տարբերվում: Տիպիկ ճապոնական ռեստորաններում Ձեզնից կպահանջվի հանել կոշիկները, դնել հատուկ արկղերի մեջ, հագնել հողաթափեր և նոր ներս մտնել: Սեղաններն ու բազմոցները կամ էլ աթոռները գրեթե հավասար են հատակի մակարդակին: Սակայն խոսեմ, ավելի շատ ժամանակակից սպասարկման տեխնոլոգիաներից:

  Ճաշացանկը պատկերված է լինում շատ արտահայտիչ խոշոր նկարներով, որպեսզի լեզվի չիմացությունը չխանգարի ընտրություն կատարել: Եթե ուզում եք, կարող եք ճաշացանկը թերթել մեգապլանշետի միջոցով:

  Իսկ մատուցողները պատվերը գրում են ոչ թե թղթի վրա, այլ էլեկտրոնային նոթատետրի մեջ:

  Պատվիրելուց մինչև  ռեստորանի հաշիվ փակելու ընթացքում, եթե Ձեր մոտ հարցեր առաջանան կամ էլ անախորժ պահեր, հավատացե՛ք, գերագույն համբերությամբ Ձեզ կսպասարկեն ու կճանապարհեն ժպիտով ու խոնարհումով, քանի որ ճապոնացիները ազնիվ են, նրբանկատ և պատասխանտու իրենց գործի հանդեպ: Հավանաբար, դրա համար էլ Ճապոնիան աշխարհի ամենազարգացած երկրներից մեկն է:

Եթե հավանեցիք, կիսվեք Ձեր ընկերների հետ:

Երբ ասում ենք Ճապոնիա, պետք է պատկերացնել...(մաս 2)

 Սկիզբը այստեղ՝

 Ճապոնիան աչքի է ընկնում փողոցների, մայթերի մաքրությամբ, ոչ մի աղբ, փոշի, կեղտ և սա բոլոր քաղաքներում, ամենուրեք: Քանի որ հասարակ ճապոնացիները և ուղղակի ճապոնաբնակ մարդիկ ոչ միայն անտեղի չեն նետում աղբը, այլև նետելուց անգամ նրանք լվանում են պլաստիկ տարաները, շշերը, կաթի, հյութերի թղթե տարաները, կիսաֆաբրիկատ մթերքների պլաստիկե տարաները: Այո՛, այո՛, այո՛: Նրանք դրանք նախօրոք լվանում են, հետո տարանջատում են ու հետո նոր առանձին նախատեսված տեղերում «դեն նետում»(եթե այդքանից հետո դա կարելի է համարել դեն նետել): Եթե Դուք այստեղ ցանկանաք ալյումինե տարաներով գարեջուր կամ այլ ըմպելիք վայելել, մի՛ մոռացեք, որ այն նետելուց առաջ առնվազն պետք է մի անգամ ջրով ողողեք ու թափեք, իսկ այնուհետև դեն նետեք հատուկ մետաղյա աղբի վերամշակման համար նախատեսված աղբարկղերի մեջ: 

 
Սա պայմանավորված է երկու բանով: Մի կողմից բոլոր ճապոնացիները սիրում են իրենց շրջապատը և մաքրությունը:  Ամեն դեպքում նշենք, որ ամեն տեղ էլ միշտ էլ կգտնվեն անպատասխանատու ըմբոստներ, որոնք կցանկանան ապրել այնպես , ինչպես իրենց հարմար է, չտալով իրենց նեղություն: Բայց, օրինակ, չեմ կարող չնշել, որ ինչ որ տեղ, երբ ճապոնացիները շինարարություն են նախաձեռնում, նրանք առաջին հերթին ամբողջ շինհրապարակը ծածկում են ժամանակավոր ասֆալտ-բետոնով, որպեսզի փոշին ու ավազը ամբողջ քաղաքով  չտարածվի: Շինարարության ավարտից  հետո, այն փոխարինվում է քաղաքի մյուս հատվածին համապատասխան ծածկով:

  Երկրորդ պատճառը Ճապոնիայի յուրահատուկ կլիման է, որտեղ փաստացի 5 կլիմայական  եղանակներ (սեզոն) կան՝ աշուն, ձմեռ, գարուն, ամառ և անձրևային եղանակ, որը տարբեր տարածաշրջաններում տարվա տարբեր ժամանակահատվածներում է լինում և տևում է մի ամսից մինչև երկու ամիս:

 Հարմարավետության տեսանկյունից նշեմ  նաև առևտրային ավտոմատ սարքավորումները, որոնք տեղակայված են օդնավակայանի մուտքի մոտ:

   Սկզբից Ձեզ կթվա, թե դրանք ուղղակի հասարակական վայրերին բնորոշ  տեղերում են առկա, բայց դրանցից կան անգամ սովորական բնակելի շենքերի մուտքային մասերում: Այստեղ կարող եք գտնել առաջին պահին անհրաժեշտ կամ էլ ինչ-որ այլ նախընտրած բանի փոխարինող խմիչք կամ թեթև սննունդ, և որ ամենակարևորն է՝ ժամկետի մեջJ

   Վերադառնալով օդնավակայանի որակյալ և հարմար սպասարկմանը, որի  մասին արդեն խոսել եմ, ավելացնեմ միայն, որ, երբ Դուք տեղավորում եք Ձեր իրերը ավտոբուսի մեջ հատուկ սպասարկող աշխատողը Ձեր ճամպրուկների վրա փակցնում է համարակալած թղթեր և դրանց համապատասխան գրառումներն էլ Ձեզ է հանձնում:        Հիշեցնեմ, որ հենց օդանավակայանի աշխատողներն էլ բարձում են ճամպրուկը:

  Չեմ ուզում խոսել իդեալական ավտոճանապարհների մասին: Երկրի իրական դիմագիծը միայն հուշահամալիրներով և մշակութային կոթողներով չէ որ պայմանավորված է: Ես Ձեզ վստահեցնում եմ, լինի դա քաղաքին կից մերձավանները կամ էլ բուն քաղաքը, ավտոբուսով երթևեկելիս երբևէ որևէ թափահարում կամ անհարմարություն չեք զգա: Իսկ բուն քաղաքային տարածքները Ձեզ կզարմացնեն մայրուղիների, գնացքների երթուղիների և հետիոտն կամուրջների քառահարկ ու երբեմն նաև հնգահարկ հանդիպող շինություններով (այն պայմանավորված է երկրի տարածքի փոքրությամբ և բնակչության բարձր խտությամբ): Նման բան միայն Ճապոնիայում կտեսնեք (հատկապես Տոկիոյում):

Օդային երկաթուղի

Մոտավորապես նման տեսարաններ են բացվում նման տրանսպորտից օգտվելիս

Ուշադիր դիտե՛ք, որպեսզի նկատեք օդից կախված գնացքը

Հուսով եմ նկատեցիք: 

  Ինձ թվում է, որ ճապոնացիները օժտված են յուրահատուկ երևակայությամբ, որով ունակ են հորիզոններ շրջել, սովորականի սահմաններից դուրս գալ և իրագործել իրենց երազանքները: Այլ կերպ չեմ կարող բացատրել այն հսկայածավալ տեխնիկայի ժամանակակից, նմանը չունեցող սարքավորումները, որոնք ստեղծված են տեղական շուկայի համար:

  Ավելորդ կհամարեմ խոսել ցանկացած վայրում (հատկապես օդանավակայանում) սպասարկող անձնակազմի լայն ժպիտի, բարեհամբույր վերաբերմունքի և, եթե անհրաժեշտ է, անգամ  հազար անգամ գլուխ խոնարհելու մասին: Դա նույնիսկ այն դեպքում, եթե ինչ որ հասարակական կարգ եք խախտել, օրինակ, նկարվել եք այնտեղ, որտեղ չի կարելի:

  Դա նաև նրանից է, որ յուրաքանչյուր ճապոնացի  աշխատում է իր աշխատանքը մաքսիմալ որակյալ կատարել, որի շնմորհիվ էլ բարձրանում է ընդհանուր համակարգի աշխատանքի արտադրողականությունը: Դուք հաստատ չեք նկատի որևէ դժգոհ ձայն, փնթփնթոց, երբ ինչ որ հարցով դիմում եք: Ինչպես նաև, արդեն վերը նշեցի, որ ցանկացած ճապոնացի շատ վատ է ընդունում այն փաստը, որ մեկ ուրիշի դրեց անհարմար վիճակի մեջ, նույնիսկ, եթե դիմացինը օտարերկրացի է:

   Սրանք այն «նրբություններն են», որոնք թույլ են տալիս կարծիք ձևավորել որևէ երկրի մասին, այն ավելի հրապուրիչ կամ էլ հակառակը՝ անհրապույր դարձնել ամբողջ աշխարհին:

Առջևում դեռ ավելի հետաքրքիր է լինելու:

Եթե հավանեցիք, կիսվեք Ձեր ընկերների հետ:

Շարունակությունը այստեղ.

   

Ո՞րն է Ճապոնիայի հաջողության գաղտնիքը, բացահայտի՛ր ինքդ: (մաս 1)

 Նախորդ հոդվածում, ես Ձեզ ներկայացրեցի, թե ինչպես ինքներդ Ձեզ կարողանաք ճիշտ ներկայացնել հասարակությանը և թե ինչ մարքեթինգային հնարքներ (այս բառը այդքան էլ չեմ սիրում, բայց ուրիշ հարմար բառ չգտա) կարող եք կիրառել այդ գործում հաջողություն ունենալու համար: Իսկ հիմա ուզում եմ գրել, թե նույնպիսի ինչ հնարքներ է կիրառում աշխարհի զարգացած երկրներից մեկը՝  Ճապոնիան իր զբոսաշրջիկին և ամբողջ աշխարհին գրավելու, զարմացնելու, գայթակղելու համար: Սա թող լինի ի գիտություն նրան, ով իրեն տեսնում է զբոսաշրջային ինդուստրիայում կամ էլ նրան, ով սիրում է (երազում է) ճամփորդել:

   Ճապոնիան յուրահատուկ երկիր է` իր յուրահատուկ բնակչությամբ, իսկ մայրաքաղաք Տոկիոն՝ իր տեխնոլոգիական կենտրոնը: 

 Եթե Դուք տեսնեք այս երկրի անհավանական էլեկտրոնիկայի հիպերմարկետները, էլ հասարակ խանութները Ձեր աչքին չեն երևա, նույնիսկ ճապոնական զուգարանակոնքերը շատ կզարմացնեն Ձեզ: Իսկ, օրինակ, մագնիսական էլեկտրոմիացուցիչները, որով այնպես պարծենում են Apple-ի ներկայացուցիչները, ովքեր կիրառել են այն MacBook-ի մեջ, Ճապոնիայում  կիրառության մեջ են 60-ականներից սկսած: Այս ամենի մասին դեռ շատ կմանրամասնեմ: Այնպես, որ սիրելի ընթերցող կարող ես մի բաժակ սուրճ պատրաստել կամ էլ թեյ, հարմար տեղավորվել և ընթերցել՝ բացահայտելով այնպիսի բաներ, որոնք կարող են քո կյանքը անգամ փոխել: Ինչու եմ ասում փոխել, քանի որ ծանոթանալով նոր տեխնոլոգիաներին ու անգամ նոր ապրանքի գաղափարներին՝ Դուք կարող եք հետամուտ լինել նոր բիզնես գաղափարների և պայմանավորել Ձեր հաջողությունը կյանքում:

   Շրջելով խանութներով, անգամ հասարակ տնտեսական ապրանքների սուպերմարկետներով, Դուք կզարմանաք, թե ինչ յուրօրինակ մտքեր են իրականացվել, ու արդյունքում ինչ հետաքրքիր ապրանքներ են ստեղծվել, որոնք հարյուր անգամ հեշտացնում են տնային տնտեսուհիների հոգսերը, մարդկանց աշխատանքային առօրյան, նորաթուխ մայրիկների կենսակերպը՝ իրենց բալիկների խնամելու առումով՝ այն իրական վայելք դարձնելով:

   Սննդի, կոսմետոլոգիայի, բժշկական արդյունաբերության էլեկտրոնիկայի մեջ մասսայական նորարությունները Ձեզ ուղղակի կապշեցնեն: Ավելին նշեմ, որ հենց Ճապոնիան գերիշխող դեր է կատարում ֆունդամենտալ գիտության մեջ  և գիտական հետազոտությունների մեջ տարեկան ներդնում է 130 միլիարդ դոլար: Ի բարօրություն ամբողջ աշխարհի աշխատում են 700 հազար ճապոնացի գիտնականներ, որոնք ընդգրկված են բարձր տեխնոլոգիաների, բիոբժշկագիտության և ռոբոտոտեխնիկայի մեջ:     Նրանց մոտ է ամբողջ աշխարհի ապագան: Արդյունաբերական ռոբոտների մեծ մասը  աշխատում են հենց Ճապոնիայում, որտեղ էլ հենց արտադրվում են:

   Ճապոնիան հպարտանալու շատ բան ունի, բայց նա չի հպարտանում: Դուք հավանաբար շատ եք կարդացել չինացիների աշխատասիրության, աշխատունակության մասին, բայց հավատացե՛ք, ճապոնացիները իրենցից առավել են այդ հարցում:

   Նրանք ոչ միայն աշխատում են, այլև մշտապես ձգտում են ամեն ինչ իդեալական անել: Նրանք աշխատասեր ու կատարող մարդիկ են՝ լրիվ այլ, ոչ սովորական մտածելակերպով:

  Հնարավոր է, շատ իդեալականացնեմ այս արևելյան պետությունը, բայց ես դատում են ըստ արդյունքների: Այո՛, անցյալում այստեղ ևս ֆաշիզմ  է եղել, այո՛ այն իսկական ցեղասպանություն է իրականացրել Չիաստանում, որի արդյունքում միլիոնավոր մարդիկ են մահացել, բայց արևի ծագման երկիրը հատուցել է դրա համար, սկսած Հիրոսիմայի և Նագասակիի հրեշավոր ողբերգությունից, վերջացրած զինվորական այլ գործուղություններով:

   Երկրորդ համշխարհային պատերազմից հետո, այստեղ իսկական խառնաշփոթ է եղել, իսկական ավերակ: Ոչ նյութական ռեսուրսներ, ոչ գործարաններ, ոչինչ չի եղել: Եվ ահա, 70 տարի հետո, Ճապոնիան աշխարհի զարգացած երկրներից է՝  կառուցելով իր հզորությունը համարյա ոչ մի բանի վար, ավելի ճիշտ 6852 կղզիների վրա, որոնց մեծ մասը հրաբխային են: 

 Ճապոնիան աշխարհում երրորդ երկիրն է ՀՆԱ-ի մեծությամբ և չորրորդը՝ արտահանման ծավալներով: Երկրի բնակչություն կազմում է 127 միլիոն մարդ, որոնցից 30 միլիոնը բնակեցված է Մեծ Տոկիոյի տարածաշրջանում (այն ընդգրկում է Տոկիոն և մոտական մի քանի մարզեր): Սակայն դրանով հանդերձ Ճապոնիան իր բնակչությանը ապահովում է կյանքի բարձր որակ (այն աշխարհում 10-րդ տեղն է զբաղեցնում մարդկային ներուժի զարգացման ինդեքսով) և մարդկանց կյանքի միջին տևողությունը կազմում է 82 տարի:

   Այս երկիրը նաև ռոբոտների և անիմացիաների հայրենիքն է: 

  Բարձր տեխնոլոգիաները և արևելյան կոլորիտը, նինձյաներն ու սամուրայները, երկրնաքերերը և, որքան էլ զարմանալի է՝ «քարային ջունգլիների» հարուստ կանաչը բնորոշում են երկիրը: 

  Ճապոնացիները ամեն ինչ անում են, որպեսզի մեկ այլ մարդ անհարմար վիճակում չհայտնվի, նույնիսկ եթե նա կոպիտ գայջին է, այսինքն օտարազգի ինչ որ մարդJ
   Ճապոնիան ոչ միայն ուրիշ երկիր է և ուրիշ մշակույթ, այլ նաև ուրիշ աշխարհ, ուրիշ մոլորակ՝ բարձր տեխնոլոգիաներով հարուստ, բայց միևնույն ժամանակ՝ հին ավանդույթները պահպանող:

  Եվ այսպես, եթե որևէ երկրի մասին սկսում ես տպավորություն կազմել, պետք է սկսել հենց ամենասկզբից՝ ինքնաթիռի թռիչքից:

  Ես չեմ ուզում խոսել այնպիսի սպասարկման կամ հարմարավետության մասին, որը բնորոշ է շատ զարգացած, մեծ երկրներին: Այլ կխոսեմ առանձնահատուկ այնպիսի երևույթների մասին, որոնք կտեսնեք միայն Ճապոնիայում: 

         Օրինակ, Տոկիոյի Նարիտա օդանավակայանում կան մեկուսարաններ (կարանտին):

   Ընդարձակ մեկուսարանները, որոնք անհասկանալի են, թե ինչու համար են նախատեսված, սակայն  իրականում դժվար չէ կռահել:

    Բացի այդ, օդանավակայանում և դրա հարակից տարածքում արգելված է ծխելը, իսկ եթե այնուամենայնիվ ցանկանում եք ծխել պետք է դա անեք հատուկ խցիկներում:

  Իրականում Տոկիոյում և այլ քաղաքներում են շատ քիչ տեղեր կան, որտեղ կարող եք ազատ ծխել: Ծխելու համար նախատեսված են առանձնացրած տեղեր, խցիկներ: Այսինքն, այստեղ լուրջ, կրկնում եմ շատ լուրջ մտածում և անհանգստանում են այն մարդկանց համար ովքեր չեն ծխում և տանել չեն կարողանում ծխախոտի ծուխը: Ոչ մի տեղ չեք գտնի մեկին ով փողոցում քայլելով կծխի: Անգամ փողոցում, դրսում նախատեված են առանձին տարածքներ, որտեղ էլ մարդիկ կարող են առանձնանալ և ծխել և ընդհանուր չախտոտել օդը:

  

Վերադառնանք օդանավակայան: Օդանավակայանից կոնկրետ քաղաքի այլ վայր հասնելու համար կարող եք օգտվել   ավտոբուսներից (Airport Limousine Bus), որոնք ամենահարմարն են, այն առումով նաև, որ երբ դուրս ես գալիս օդանավակայանից, Դուք համարյա անմիջապես հայտնվում եք ավտոբուսի կանգառում՝ էլեկտրոնային ցուցատախտակով, որտեղ տեղադրված է երթուղների անհրաժեշտ տեղեկատվությունը:

  Նույնիսկ ավտոբուսների մեջ են էլեկտրոնային ցուցատախտակներ տեղադրված:

 Ես դեռ պատմելու բան ունեմ: Հետևեք AZat Marketing-ի  թարմացումներին և կծանոթանաք Ճապոնիայի հյուրանոցային ինդուստրիայից մանրամասների և ոչ միայն...

  

   Եթե հավանեցիք նյութը, կիսվեք ընկերների հետ:

   Շարունակությունը այստեղ.

   

Անձի մարքեթինգ

  Բիզնեսում և կյանքում հաջողություն  ունենալու լավագույն գրավականը սեփական անձի ճիշտ դրսևորումն  ու ճիշտ մտածելակերպն է տարբեր իրավիճակներում: Հավանաբար, Դուք Ձեր կյանքում գոնե մեկ անգամ կարդացել եք Դեյլ Կարնեգի, Նապոլեոն Հիլ կամ էլ համաշխարհային ճանաչում ձեռք բերած միլիարդատերերի կենսագրական նյութերը, խրատները, ուղեցույցները: Սակայն, այնուամենայնիվ, Ձեր մոտ մի բան այնպես չի ստացվում: 

   Դուք քաջ գիտակցում եք, որ հաջողությունը Ձեր ձեռքերում է, սակայն այն դեռևս չեք կարողանում շոշափել և պատճառներ եք փնտրում Ձեր մեջ: Երբ ես ասում եմ հաջողություն, խոսքը վերաբերում է ոչ միայն գործնական հաջողություններին այլև անձնական կյանքում տարբեր նպատակների իրականացմանը: Եվ որքան էլ Դուք ուսումնասիրեք հայտնի մարդկանց հաջողությունները և փորձեք Ձեզ ուղղորդել որևէ քայլերի կամ որոշակի կարգախոսներով առաջնորդվել, հիշե՛ք մի բան: Այս կյանքում Ձեզանից լավ ուրիշ ոչ ոք Ձեզ չի կարող ներկայացնել հասարակությանը, շրջապատին: Եթե Դուք իրոք ցանկանում եք Ձեր հաջողությունը զգալ, բաժանեք Ձեզ երկու մասի: Ձեր մի մասը լինելու է կատարողը, իսկ մյուսը կարգադրողը:

  Ձեզ համար հաջողությունը կամ նպատակը կարող է լինել տարբեր՝ կախված Ձեր կյանքի հանգամանքներից: Միգուցե Դուք ուզում եք վերականգնել նախկին բարի համբավը, հեղինակությունը, գործնական շրջապատում որևէ իմիջ ձևավորել կամ դիրք գրավել, նվաճել մարդկանց համակրանքը, սերը, վստահությունը, դառնալ ավելի գրավիչ, գայթակղիչ և այլն: Կարևոր չէ, թե սրանցից, որին եք Դուք ձգտում, կարևորը թե Դուք ինչպես պետք է Ձեր երկրորդ ենթակա կեսին կառավարեք Ձեր առաջին կարգադրող «ես»-ով:

    Այսպիսով, այսուհետ Դուք իրականացնում եք Ձեր սեփական անձի մարքեթինգ:

   Ձևակերպե՛ք Ձեր հեռանկարները կամ որ նույն է, ինչպես վերը նշեցի, ձևակերպե՛ք Ձեր հաջողությունը:

  

  Հիշե՛ք յուրաքանչյուր թերություն ունի իր առավելությունը՝ կախված թե ինչպես եք այն մատուցում: Օրինակ, մեկի համար շատախոսությունն է թերություն, մյուսի համար էլ քչախոսությունը: Սակայն, եթե Դուք առաջին դեպքն եք ու եթե Դուք Ձեզ մատուցեք որպես անմիջական, անկեղծ, շփվող, մշտապես արտահայտվող, չթաքցնող, պարզ ճակատով, չփնթփնթացող՝ այլ նկատող, ապա Ձեր այդ «թերությունը» ուրիշ կերպ կընկալվի: Այսինքն, կարևորը ճիշտ, դրական հոմանիշի ընտրությունն է:

   Իսկ եթե Դուք քչախոս եք, Դուք Ձեզ կարող եք մատուցել, որպես զուսպ, դիմացինին լսել սիրող, հասկացող, ըմբռնող, դիմացինի վիճակի մեջ մտնող և ոչ թե բարդույթավորված, չշփվող, անքաղաքավարի մարդու տպավորություն թողնելով: Կրկին նշեմ, որ սրանով Դուք Ձեր էությունը չեք փոխում, Դուք ընդամենը Ձեզ փորձում եք ավելի ճիշտ ներկայացնել:

  Սակայն ամեն դեպքում, որպես խորհուրդ հետևեք՝ ավելի քիչը ավելի շատ է: Այո՛, երբեմն պետք է լռել, այն Ձեզ ավելի շատ բան կտա, քան թե ասված սխալ խոսքը:

   Նույնը կարելի է ասել հետևյալ թերությունների մասին, դրանք լավ կողմից դիտարկելու առումով:

  Եթե Դուք ճշտապահ չեք և միշտ ուշանում եք, Դուք կարող եք ասել, որ Ձեզ դուր չի գալիս դիմացինին սպասեցնել, բայց այդ մի քանի րոպեն Ձեզ միշտ ստիպում է ավելի ու ավելի գնահատել ժամանակը ու անհամբեր սպասել ամեն հանդիպմանը:

  Եթե Դուք վախկոտ  եք, ոչ ռիսկային, Դուք կարող եք ասել, որ Դուք զգուշավոր եք, միշտ ապահովագրվող, փորձանքից միշտ խուսափող:

 Իսկ եթե Դուք ստող եք, ապա ոչ մի ձևով պետք չէ հոմանիշ փնտրել: Հիշե՛ք որ ժամանակին ներողություն խնդրելը Ձեր հեղինակությունը միշտ կբարձրացնի:

  Ձեր առավելությունը դարձրեք տեսանելի:

   Անառիթ դեպքում պետք է չէ ինքնագովազդով զբաղվել, բայց, երբ առկա են նպաստավոր պայմաններ, Դուք կարող եք Ձեր, օրինակ բարությունը, ազնվությունը, մեծահոգությունը, անկեղծությունը, առատաձեռնությունը, լրջությունը, կարգապահությունը և այլ դրական կողմերը, ցուցադրել նշելով՝ «այ այս պարագայում ես այսպես կվարվեի» արտահայտությունը:

    Եղեք լուծում կամ լուծման տարբերակ, ոչ թե խնդրի մի մաս:

   Ցույց տվեք մարդկանց, որ նրանք ունեն այլ հնարավորություններ, բայց Դուք եզակի եք (որևէ արարք կամ քայլ իրականացնելիս):

   Որոշ բաների վերաբերվեք հումորով, ինչպես ներքուստ (դա Ձեզ կօգնի դուրս գալ դժվար իրավիճակներից), այնպես էլ արտաքուստ:

    Եղեք ամեն իրավիճակի դեպի դրական կողմնորոշողը:

   Հաղորդեք ամեն ինչին ներդաշնակություն (Ձեր խոսքը, ձայնը, ձայնի տոնայնությունը, տեղանքի մթնոլորտը, շարժուձևը, մինչև անգամ հագուստն ու այլ պարագաները պետք է լինեն ներդաշնակ):

  Թողեք, որ երբեմն մարդիկ գործի դնեն իրենց երևակայությունը, և ամեն ինչ մի բացահայտեք նրանց համար:

   Որսացեք ակնթարթը: Բաց մի թողեք պահը ճիշտ արտահայտվելու ճիշտ ժեստ անելու:

  Վերլուծեք ինքներդ Ձեզ մինչ այդ ամենը և այդ ամենը իրականացնելուց հետո:

 Եղեք լավատես, անգամ եթե Ձեզ ինչ որ բան այն չէ թվում, թույլ տվեք, որ դիմացինը չկասկածի Ձեր լավատեսությանը:

  Վերլուծեք Ձեր մտքեր:

  Երբեմն ասեք  ոչ թե այն, որ ուզում եք ասել, այլ այն թե ինչ կցանկանար լսել Ձեր դիմացինը:

  Սա, կոպիտ ասած, նման է ապրանք առաջարկելու և վաճառելու մի գործընթացի: Դուք վաճառում եք ոչ թե ապրանքը, այլ այն օգտակարությունը, որը ուզում է տեսնել սպառողը: Եվ որքան էլ Դուք ուզենաք պատմել կամ կարծիք ձևավորել Ձեր ապրանքի մասին, Ձեր վերջնական նպատակը այն վաճառելն է: Ուրեմն Դուք Ձեզ պետք է «գնորդի» աչքում գրավիչ դարձնեք:

  Եթե Դուք ցանկանում եք նվաճել Ձեր հաջողությունը, ուրեմն նվաճեք այն, այլ ոչ թե ուղղակի ցանկացեք:

Ձեզ հաջողություն...

   

Իրական զեղչեր: Real Sales

  Հավանաբար Դուք շատ հաճախ գնումներ կատարելիս սպասում եք զեղչերի՝ իրական զեղչերի: Ձեզ գրավում են խանութների ցուցափեղկերը՝ մեծ գրառումներով՝ 30% զեղչ, 40-50% զեղչ, միգուցե` 60- 70% զեղչ, կամ ուղղակի զեղչ զեղչ զեղչեր....:

   Շատ գայթակղիչ է թվում, խանութներում չեն դադարում այցելուները, մարդիկ երբեմն գնումներով, երբեմն էլ դատարկաձեռն հեռանում են: Կամ միգուցե հենց Ձեզ է բախտ վիճակվել զեղչային արշավ իրականացնել Ձեր խանութում: 

   Զեղչերը տարբեր են լինում, առհասարակ, զեղչային միջոցառումներն են տարբեր լինում: Դրանք շատ հաճախ կապված են լինում որևէ իրադարձության հետ, սեզոնային փոփոխությունների հետ, բայց հիմնականում դա արվում է հին ապրանքը նորով փոխարինելու համար, այսինքն «հին» ապրանքի մնացորդները «մաքրելու» համար: Դուք շատ հաճախ կհանդիպեք խանութում, օրինակ նախորդ սեզոնի հիթ դարձած ապրանք, որը միգուցե մնացել է անգամ զեղչերից հետո: Խանութների մենեջերները սխալվում են` դրանք սպառողին ներկայացնելով նոր ապրանքի շարքերում, ինչն էլ իր հերթին փոխում 1 այդ խանութի հանդեպ վերաբերմունքy ՝ «ստիպելով» մտածել, որ սպառողներին ուզում են մոլորեցնել: Թու՛յլ մի տվեք այդ սխալը հարգելի մարքեթոլոգներ: Խանութում մշտապես ունեցե՛ք անկյուն , որտեղ միշտ առկա են զեղչված ապրանքների մնացորդները, դրե՛ք դրանց վրա գնային սահմաններ, օրինակ, 1000- 10000 դրամանոց ապրանքներ: Գրավեք սպառողին այդ ճանապարհով: Նույնիսկ, եթե չեք ուզում Ձեր հիթ դարձած ապրանքատեսակի գինը կտրուկ իջեցնել, միևնույն է, կատարեք շատ փոքր զեղչ և առանձնացրեք այն խանութի առանձին հատվածում: Մի՛ բարկացրեք Ձեր սպառողին:

  Շատ հաճախ խանութների մենեջերները բողոքում են, որ նույնիսկ զեղչային միջոցառումներից հետո իրենց խանութները բավարար ձևով չեն « մաքրվում»: Հավատացե՛ք դա ևս պետք է անել տարերայնորեն, կարծես թե աշխարհի վերջը եկել է: 

   Պետք է համոզել գոնե մտնել Ձեր խանութը, գոնե տեսնել այնտեղի իրարանցումը: Հիշե՛ք  Հովհաննես Թումանյանի «Գիքորը» և համանուն ֆիլմը: Հիշում ե՞ք հայտնի «էստի համեցե՛ք»-ը: Ձեզ թվում է, թե այժմ այն կիրառելի չէ: Դիտեք այս տեսահոլովակները ու հասկացեք, թե ինչ եռանդով պետք է իրականացնել զեղչային միջոցառումը: Չէ՞ որ Դուք ուզում եք Ձեր նոր ապրանքը վաճառվի, դե ուրեմն ազատեք Ձեր խանութի դարակները հին ապրանքից: Այս նկարահանումները կատարել եմ անմիջապես Ամանորյա տոներից հետո, քանի որ իրական զեղչերը սկսվում են ոչ թե նախատոնական շրջանում, այլև անմիջապես տոներից հետո: 

    Դուք այս «մեղեդային աղմուկը» սովորական օրերին չեք լսի, եթե անգամ լսեք, ապա ոչ այսպես մասսայական: Սրանք խանութների աշխատակիցների քաղցրահունչ ձայներն են, ովքեր ամեն կերպ համոզում են սպառողներին իրենց խանութ մտնել: Պարտադիր հանգամանք է բարձր տրամադրությունը և ժպիտը: Չէ՞ որ զեղչը երկար սպասված տոն է, որի ժամանակ Դուք Ձեզ թույլ եք տալիս գնումներ կատարել:

   Ուշադրություն դարձրե՛ք, որ նման կերպ վարվում են և՛ բրենդային, և՛ ոչ բրենդային խանութները: 

   Կարևորը այստեղ զեղչային տրամադրություն առաջացնելն է, մարդկանց ուղեղում գնում կատարելու միտքը հղացնելն է, եթե անգամ վերջիններս մտադիր չեն դա անել: Եվ, երբ Ձեզ արդեն հաջողվում է սպառողին ներս հրավիրել խանութ, արեք նրա համար ևս մեկ անակնալ, որպեսզի նա այլևս հետ չկանգնի գնում կատարելու մտքից: Ես բավականին զարմացա, որպես սպառող, երբ 70% զեղչ սահմանած խանութում, իմ ընտրած ապրանքի վրա  ևս 10% զեղչ արեցին: Դուք միշտ այդ պահեստային զեղչը կարող եք իրականացնել: 

    Դա կպայմանավորի Ձեր հաջողությունը:

Եթե նյութը հետաքրքրեց Ձեզ, կիսվեք Ձեր ընկերների հետ:

   

Քիմ Քարդաշյանի սմայլիկները խախտել են App Store-ի աշխատանքները

  Երբ երկրպագուները չափազանց շատ են լինում, նման բան սպասելի է դառնում:

Դեկտեմբերի 21-ին App Store-ում հայտնվել է Քիմ Քարդաշյանի սմայլիկներով KIMOJI ծրագիրը: Ծրագրում առկա են  100-ավոր նմանատիպ սմայլիկներ:

  Եվ ծրագրի նկատմամբ ցանկություն հայտնողների թիվը այնքան մեծ է եղել, որ App Store-ը չի դիմացել ծանրաբեռնվածությանը

:

   Այս առումով հանրաճանաչ Քիմը իր թվիթերյան էջում ներողություն է խնդրել:

Kim Kardashian West 
                   ‏@KimKardashian

Apple, I'm so sorry I broke your App Store!!

Ретвитов 5 715   отметок «Нравится» 13 985

13:53 - 21 дек. 2015 г.

«Apple, ների՛ր, խնդրում եմ , ես ջարդեցի ձեր App Store»:

  Իհարկե ջարդելու առումով, Քիմը չափազանցրել է, բայց ծրագրի բեռնման աշխատանքների հետ, իրոք, խնդիրներ առաջացել են: Օգտվողները դրա մասին գրել էին սոցիալական կայքերում: The Drum վերլուծական ընկերությունը հայտարարել է, որ KIMOJI ծրագրի բեռնումների թիվը եղել է վայրկյանում 9000 բեռնումից ավել

   Ահա թե ինչ կարող է նշանակել, երբ որևէ ընկերության գործի մեջ են մտնում հայտնիները: Նման բան մասնագետները պետք է կանխատեսեին:

Ինտերնետ հասարակություն: Ինչի՞ց պետք է զգուշանալ և ինչի՞ց պետք է օգտվել: 2

Սկիզբը այստեղ

Երբ մենք իրականացնում ենք  մասսայական նամակագրություն (spam), դրա ընդամենը 9%-ն են մեզ անմիջապես արձագանքում:  Դա մեզ համար անմիջական ազդանշան է, որ մնացած 91%-ը մեզ համար նշանակություն չունեն: Բայց մենք գիտենք, որ նրանք մեզ համար նշանակություն ունեն: Մենք հասել ենք այն կետին, որ մարդիկ այլևս չեն ուզում մասնակցել մեր հարցումներին: Հետևաբար, եթե մենք նախօրոք չսահմանենք մեր յուրաքանչյուր հաճախորդի մասնակցության կարևորությունը, նրանք այլևս չեն համաձայնվի մասնակցել մեր հետազոտությանը:

Ըստ PEW  Center-ի (PEW  Center անկախ ամերիկյան, ոչ կուսակցական կենտրոն է, որը մատակարարում է տեղեկատվություն սոցիալական հարցումների, հասարակական կարծիքների, դեմոգրաֆիական  տենդենցների մասին ԱՄՆ-ում և ամբողջ աշխարհում) տվյալների հարցվողների 80%-ը կիսատ է թողնում հարցաթերթիկը և սովորաբար  հարցվողների 52%-ն է ցանկանում 3 րոպեից ավել տրամադրել  հարցաթերթիկին: Ըստ PEW  Center-ի տվյալների նպատակային հարցումներին մասնակցողների 10%-ը հրաժարվում են, քանի որ մտածում են, որ իրենց կարծիքը նշանակություն չունի, եթե ընկերությունը ժամանակ չի տրամադրում իրականում իրենց ճանաչելու: Այսպիսով, անցանկալի հարցումները գալիս ու գնում են սպամի նման: Հետևաբար շուկայի հետազոտողները, շուկայագետները պետք է կարողանան այնպես կազմակերպել այդ գործընթացը, որ այն լինի համապատասխան հարցվողներին և օգտակար:

 Նեդրկայացնում եմ երեք տարբեր ընկերությունների շուկայագետների կարծիքները, թե ինչպես են իրենք հասկանում իրենց հանրությանը, որպեսզի ճիշտ ներգրավեն նրանց իրենց բիզնես աշխարհի մեջ:

Մեր որոշում կայացնելու տեմպերը «Adobe»-ում արագացել են: Մեր հանրության ճիշտ ընկալումը մեզ թույլ է տալիս արագ, ապահով եզրահանգումներ կատարել, որն էլ օգնում է մեր լիդերներին ավելի լավ ընտրություններ կատարել:

Լորի Իվենթոչ Ջեյմս (Lori Iventosch –James)  Հետազոտողների խմբի կառավարիչ

Adobe

Մեր հասարակության ընկալումը մեր մեջ է ամրապնդված, որը մեզ տալիս է նոր գաղափարներ, ծրագրեր, նախագծեր ի օգուտ մեր բիզնեսի զարգացման: Vision Critical-ի ամենալավ հատկություններից է հենց հասարակության արագ ճանաչումն ու ընկալումը:

Շենոն Ժենովեթ (Shannon Chenoweth )

Շուկայակն հետազոտության կառավարիչ:

DeWALT

Մեզ համար չափազանց հուզիչ գործընթաց է իրական ժամանակահատվածում մեր սպառողների հետ փոխհարաբերությունները: Նրանց կարծիքները ստանալով՝ նրանք մեզ ուղեցույց են դառնում մեր որոշումների համար, որն էլ իր հերթին ազդում է մեր ընկերության ամեն հատվածի վրա:

Քեվին Քնրոյ (Kevin Conroy)

Ռազմավարության մշակամ և տվյալների բազային բաժնի ղեկավար, Ձեռնարկության զարգացման բաժնի նախագահ

Univision Communications Inc.

Ինտերնետ հասարակություն: Ինչի՞ց պետք է զգուշանալ և ինչի՞ց պետք է օգտվել:

Սպառողական հեղափոխություն

   Ամբողջ աշխարհը այժմ գտնվում է սպառողական հեղափոխության ժամանակաշրջանի միջանկյալ հատվածում: «Forrester research»-ը դրան տվել է «սպառողի դար» անվանումը:

   Մենք ապրում ենք մի ժամանակաշրջանում, երբ սոցիալական կայքերում տեղադրված մի մասսայական հաղորդագրությունը կարող է մեծ աղմուկ առաջացնել, որը կարող ՝ վտանգել Ձեր բրենդի հեղինակությունը կամ էլ գցել ընկերության արժեթղթերի գինը: Բայց միևնույն ժամանակ սա նաև այնպիսի ժամանակաշրջան է, երբ մի սպառողը կարող է այնպիսի պատմություն պատմել, որը կարող է ոչ միայն առաջ հրել Ձեր բիզնեսը, այլև նոր ապրանքի հզոր արշավի գաղափար տալ:

   Ըստ «Harvard BusinessReview»-ի, եթե սպառողը արդեն հաջողված փորձ ունի Ձեր բրենդի հետ, նա 140%-ով ավելի շատ է հակված կրկնելու այդ փորձը: Իսկ ըստ «Vision Critical 2015 Study», արդեն 2 անհաջող փորձ ունեցած հաճախորդների 42%-ը արդեն հրաժարվում է տվյալ բրենդից:

    Մեկ սպառողն էլ անգամ կարող է պատճառ դառնալ  Ձեր բրենդի անհաջողությանը:

  Միլիարդավոր մարդիկ այժմ կապված են միմյանց հետ ցանցի միջոցով: Նրանք ստեղծում են իրենց կարծիքների փոխանակման, Ձեր բրենդի ընկալման, Ձեր ապրանքների և ծառայությունների վերաբերյալ սեփական մտավոր համակարգը՝ խաղալով Ձեր ընկերության ճակատագրի հետ: Ձեր բիզնեսը կամ պետք է ընդունի այդ սպառողներին կամ էլ պետք է «մահանա»:

 Յուրաքանչյուր ընկերություն կարող է սպառողական հեղափոխության ժամանակաշրջանը վերածել մեծ հնարավորության՝ ի օգուտ իր բիզնեսի:

 Հարկավոր չէ հեռու նայել, որպեսզի կարողանաք տեսնել սպառողական հեղափոխության իրականությունը: Աշխարհի ամենամեծ մանրածախ առևտրականը ոչինչ չի արտադրում և չունի իրական խանութ (խոսքը Amazon-ի մասին է), ինչպես նաև հյուրանոցային համարների ամրագրմամբ զբաղվող աշխարհի խոշորագույն ընկերությունը չունի իր սեփական հյուրանոցը (խոսքը AirBnB-ի մասին է):

  Եվս մեկ օրինակ: Մի քանի տարի առաջ Gene Friedman's նյույորքյան տաքսի ընկերությունը գնահատվում էր 1 միլիարդ ամերիկյան դոլար: Նա ուներ  1 000 սեփական մեդալյոններ (մեդալյոնը ամերիկյան լիցենզիան է, որը թույլ է տալիս քաղաքում տաքսի գործածել), յուրաքանչյուր մեդալյոնը՝ 1000 դոլար արժողությամբ: Այնուհետև ի հայտ եկավ  Urban-ը (Urban-ը Սան-Ֆրանցիսկոյում հիմնադրված միջազգային ընկերություն է, որը ստեղծել է բջջային ծրագիր  մասնավոր, անհատ տաքսի վարորդների փնտրման, պատվիրման և վճարում իրակականցնելու հնարավորությամբ, ավելի մանրամասն կարող եք կարդալ այստեղ)   և  Gene Friedman's ընկերությունը կորցրեց իր կարողության 40%-ը: Ի՞նչ կարող է մեզ տալ այս դասը: Սա միայն բարձր տեխնոլոգիայի արդյունք չէր, որը միավորեց մարդկանց, իրենց պահանջմունքների շուրջ, սա շատ ավելին էր: Urban-ը ընկերություն էր, որը միավորեց հաճախորդի ուժը իր բիզնես մոդելի հիմնական մասի հետ: Այս հայեցակարգը չի վախենում, թե մարդիկ ինչ կխոսեն իր ապրանքների կամ ծառայությունների մասին, այս հայեցակարգը ուղղակիորեն կախում ունի դրանից: Յուրաքանչյուրը ցանկանում է իմանալ, թե ինչու Urban-ի վարորդները, ունենալով 3.5 կամ ավելի ցածր վարկանիշ, շատ քիչ են: Նրանք կամ շատ արագ բարձրացնում են իրենց որակը  կամ էլ անհետանում են, որովհետև սպառողներն են այդպես ցանկանում և ասում:

  Գործակալները շատ հաճախ կուրորեն հավատում են իրենց տվյալներին՝ big data, իրենց վերլուծություններին և հաճախ սխալ ուղղությամբ կատարում ներդրումները: Նրանք պնդում են, որ կարիք չունեն խոսել, հարցնել սպառողներին, քանի որ արդեն տիրապետում են այդ տեղեկատվությանը: Սակայն իրականությունը այն է, որ big data-ի ամենաշահութաբեր ընկերություններն էլ խոսում են իրենց սպառողների հետ: 

  Բոլորովին կապ չունի ինչ որակի և մասշտաբի տվյալների եք տիրապետում, ցանկացած նոր գործ, կամ արշավ սկսելուց առաջ կամ որ նույնն է Ձեր բիզնես մարտավարությունը փոխելուց առաջ պետք է խոսեք Ձեր սպառողի հետ: Եվ սա անում են big data տնօրինող կազմակերպությունների շատ փոքր մասը: Ըստ IDC-ի 2012 թվականի ուսումնասիրություններով big data-ի պոտենցիալ օգտակար տեղեկատվության ընդամենը 0.5%-ն է ենթարկվում վերլուծության:  Սպառողների փոխհարաբերությունների կառավարման համակարգը(CRM), հասարարական, լրատվական վերլուծությունների տվյալները մեզ ապահովում են պոտենցիալ տենդենցների, տեսությունների, գաղափարների կայուն հոսք: Մեր խնդիրն է այդ մեծ աղմուկից բացահայտել ամենամեծ, ամենաուժեղ ազդանշանը, որը ցույց կտա ճիշտ ճանապարհը: Մյուս խնդիրն այն է, որ մեզ օգտակար տեղեկատվությունը մեկ տեղում չէ: Այն գալիս է սոցիալական  ցանցերի տարբեր վերլուծականներից և ոչ թե գեղեցիկ կերպով տեղակայված մեկ ֆայլից:

   Միևնույն ժամանակ Դուք պետք է ամեն օր կարևոր որոշումներ կայացնեք Ձեր բիզնեսի համար: Հետևաբար Ձեզ անհրաժեշտ է մեկը, ով Ձեզ ճիշտ կհասկանա, և ում Դուք ճիշտ կհասկանաք, ով կխոսի Ձեր լեզվով: Դուք պետք է խոսեք մարդկանց հետ, ովքեր էլ Ձեզ կօգնեն այդ ազդանշանը գտնել:

   Պետք է հիշել, որ ցանկացած big data-տվյալի հետևում մարդ է կանգնած՝ Ձեր սպառողը, և այդ մարդկանցից յուրաքանչյուրի հետ կապված պատմություն կա: Եվ Դուք պատրավոր եք այդ պատմությունը ընկալել մինչև այդ սպառողին հետազոտությունից դուրս հանելը: Ավելի վատ է լինում, երբ Դուք առհասարակ ջնջում եք բազայից՝  նրա պատմությունը ևս կորցնելով ըդմիշտ:

Շարունակությունը հաջորդիվ...

  

Մի քիչ վիճակագրություն վաճառքի կազմակերպման մասին

 Ամերիկյան The Brevet Group ընկերությունը իրականացնում է վաճառքի մասնագետների վերապատրաստում, ամերիկյան  և այլ շուկաների ուսումնասիրություն, հետազոտություններ վաճառքի ոլորտում: 

   Օգտվելով վերոնշյալ աղբյուրներից առանձնացրել եմ Ձեզ համար հետաքրքիր վիճակագրություն կապված վաճառքի գործընթացի, նրա մասնակիցների  հետ: 

    Նույնիսկ եթե Դուք արդեն փորձառու մասնագետ եք կամ էլ նորեկ եք այս ոլորտում, շատ թվեր Ձեզ կզարմացնեն: Այսպիսով.

        Հաճախորդների հետ փոխազդեցությունների 92%-ը իրականացվում է հեռախոսով:

     

     Միջինում 8 հեռախոսազանգ կատարելու փորձ է պահանջվում արդյունքի հասնելու համար:

     Հեռախոսազանգ կատարելու լավագույն ժամանակահատվածը կեսօրն է՝ ժամը 4:00- 5:00 հատվածում:

       Վաճառքի 35-50 %-ը բաժին է ընկնում այն վաճառողին, ով առաջինն է արձագանքում:

  Հանդիպումներից հետո վաճառքների 80%-ը պահանջում է 5 հաջորդիվ հեռախոսազանգ, իսկ վաճառքի գործակալների 44%-ը հանձնվում է  հաջորդիվ արված առաջին իսկ անհաջող զանգից հետո:

     Հինգշաբթին լավագույն օրն է արդյունք ունենալու համար, իսկ չորեքշաբթին երկրորդ լավագույն օրը:

  ԱՄՆ-ում աշխատատեղերի մոտավորապես 13%-ը (8-ից 1-ը) ամբողջ դրույքով վաճառողի կամ վաճառքի գործակալի աշխատատեղեր են:

     Տարեկան մոտավորապես 1 միլիարդ դոլար ծախսվում է վաճառքի կազմակերպման և իրականացման ջանքերի վրա:

    Սովորական  ֆիրմաներում  վաճառքի գործակալների մեծ մասը առաջին իսկ անհաջող փորձից հետո հանձնվում է: 0- 500 աշխատող ունեցող ընկերություններում  միջինում 7 աշխատող է ներգրավված լինում սպառողների գնման որոշման կայացման հիմնական գործընթացում:

 Վաճառքի գործակալների 78%-ը օգտվում է սոցիալական ցանցերից մյուս գործակալներից առաջ անցնելու համար:

  Վաճառքի գործակալներից նրանք, ովքեր ակտիվորեն փնտրում են և օգտվում են վաճառքի նոր ուղիներից ու ձևերից 4-5 անգամ ավելի են վաստակում քան մյուսները:

    Հաճախորդների 91%- ը ասում է, որ որոշ ուղղորդումներ կտար վաճառողներին և միայն վաճառողների 11%-ն է հարցնում այդ խորհուրդները:

   Սպառողների միայն 13%-ն է հավատում, որ վաճառքի գործակալը հասկանում է իր կարիքները:

   Մարդկանց 55%-ը, ովքեր իրենց ապրուստը վաստակում են վաճառքի միջոցով, ճիշտ ջանքեր չեն գործադրում հաջողակ լինելու համար:

    Շարունակական վերապատրաստավորման կուրսերը մեկ աշխատողի հաշվով կարող է մեծացնել վաճառքի ծավալները 50%-ով:

  Միջին ընկերությունը տարեկան 10-15 հազար դոլար է ծախսում անհատ գործակալ վարձելու համար և ընդամենը 2000 դոլար նրա վերապատրաստավորման համար:

  Նոր գործակալին գործին հարմարվելու և առավել արդյունավետ գործելու համար անհրաժեշտ է 10 կամ ավել ամիսներ:

   Մշտական հաճորդները 6-7 անգամ քիչ ծախսատար են քան նորերը:

   Միջին ֆիրմաները տարեկան իրենց սպառողների 10-30%-ը կոցնում են:

  Ներկայացումներից հետո մասնակիցների միայն 63 %-ն է հիշում պատմական հատվածը և ընդամենը 5%-ն է մտապահում վիճակագրությունըJ

   Եթե Դուք դեռ կայանում եք այս ոլորտում, ուրեմն հետևություններ արեք այս թվերից: Եվ Դուք հեշտությամբ կարող եք Ձեր խնդիրների լուծումները գտնել, եթե մտածեք  այդ տոկոսները 100-ին հասցնելու ուղղությամբJ

   

Մարքեթինգային նոր գաղափարներ Ձեր բիզնեսի համար 2016 թվականին (շարունակությունը)

  Հարգելի՛  ընթերցող ներկայացնում եմ «Մարքեթինգայիննոր գաղափարներ Ձեր բիզնեսի համար 2016 թվականին» հոդվածի շարունակությունը:

   Ներգավվեք սպառողներին այս լուրջ աշխարհի մեջ հումորի միջոցով: (KULULAAIRLINES ՀԱՀ)

   Ներկայացրեք Ձեր ապրանքը հնարավորինս պարզ և հասանելի սպառողի համար: (KEEPOD Իսրայել)

   Օգտագործեք Ձեր թափոնները՝ տալով դրանց ավելի նորարարական կիրառություն և դարձնելով դրանք նախընտրելի: (RATHAKA ՀԱՀ)

   Ավանդական ապրանքները վերադիզայնավորեք ավելի ժամանակակից ոճով: (MELLOWCABS ՀԱՀ)

   Ցույց տվեք անհատական սպառողին, որ իր կարիքները համամարդկային են, գլոբալ են: (SHIKUN& BINUI Իսրայել)

   Երբ ընտրությունը շատ է  լինում մարդիկ մնում են այն բանի հետ, որին միշտ ճանաչել են, բաց մի թողեք Ձեր մշտական սպառողներին: (L’OREAL Ֆրանսիա)

 

     Հիմնավորեք Ձեր բրենդը նոր լսարանին: (VOLVO Մեծ Բրիտանիա)

   Ապահովեք բրենդի կենդանի ալիք Ձեր նոր և գոյություն ունեցող սպառողներին ակտիվացնելու համար: (MEDIAMARKT Գերմանիա)

 

   Կառուցեք բրենդի հասարակություն, որտեղ մարդիկ կիսում են միմյանց նախընտրությունները, ձգտումները և կրքերը: (RAPHACYCLE CLUBS Մեծ Բրիտանիա)

   Ունեցեք նպատակ, վարեք մարտավարություն, եղեք յուրահատուկ, եղեք տարբեր: (BREWDOGBEER Մեծ Բրիտանիա)

 

   Առաջարկեք մտքեր, լուծումներ, խմբավորեք հնարավորությունները՝ ավելի լավը երևելու համար: (EGOBOOSTBY SUPERMOOD Ֆինլանդիա)

 

   Ցույց տվեք, թե որքան իրական են մարդիկ , նրանց պրոֆեսիոնալ և ոչ պրոֆեսիոնալ կողմերը: (HONDA Մեծ Բրիտանիա)

 

   Ստեղծեք սպառողների միջև մրցակցություն՝  նրանցից նոր մտահղացումներ և գաղափարներ կորզելու համար: (IKEA Շվեդիա)

  Վերցրեք Ձեր իսկ հաջողված հայեցակարգը և այն ավելի լավը դարձրեք, առաջ գնացեք: (ONEFINE STAY Մեծ Բրիտանիա)

  Ստեղծեք ակումբներ Ձեր սպառողների համար, ովքեր օգտվում են Ձեր ապրանքներից: (RASPBERRY PI MAKER CLUBS Մեծ Բրիտանիա)

  

  Մի վաճառեք Ձեր ապրանքը, վաճառեք Ձեր բրենդը՝ այն կապելով մեծ գաղափարի հետ: (REDBULL BREAK DANCE Իտալիա)

 

  Գտեք Ձեր բրենդի լավագույն կողմը առավել ընդգծելու ճանապարհ: (MCDONALD’S  ԱՄՆ)

 

  Փոխեք Ձեր բրենդի ուղղվածությունը, այն սառը, տեխնոլոգիական լինելուց դարձրեք հօգատար, մարդկանց մասին մտածող բրենդ: (SAMSUNG Արգենտինա)

   Եվ կրկին ու կրկին: Ստեղծեք զգայական կապ Ձեր լսարանի հետ կապվելու համար: (NIVEA Բրազիլիա)

   Առավել ձանձրալի երևույթները դարձրեք հետաքրքիր, առողջ սնունդին վերագրեք մի փոքր հումոր: (GEICO ԱՄՆ)

x

Մարքեթինգային նոր գաղափարներ Ձեր բիզնեսի համար 2016 թվականին

Հարգելի՛ ընթերցող, ուսումնասիրելով տարբեր աշխարհամասերում և երկրներում աշխարհահռչակ բրենդների մարքեթինգային ռազմավարությունները, գովազդային արշավները, կազմակերպած միջոցառումները և նրանց հաշվետվությունները, ես Ձեզ համար առանձնացրել եմ մի շարք մարքեթինգային գաղափարներ, որոնք կարող եք ինքներդ որդեգրել Ձեր կազմակերպության կամ էլ բիզնեսի առաջիկա ծրագրերում: Սրանք կլինեն Ձեզ համար ուղղակի վառ օրինակներ, որոնք կարող եք տեղայնացնել  կամ անհատականացնել Ձեր բիզնեսի համար: Իսկ եթե առանձին խորհրդատվության կարիք ունենաք կարող եք գրել Azat Marketing- ի ֆեյսբուքյան էջին:

Օգտագործեք էմոցիաներ սպառողական վարքագիծը փոխելու համար: (LIFEBUOY, Հնդկաստան):

Ձեր թիրախային լսարանին ավելի մոտիկ դառնալու համար նրանց նպատակները կապեք Ձեր բրենդի հետ: (PEPSI  Չինաստան)

Գրավեք սպառողներին, նրանց որևէ լավ բան անելու հնարավորություն տալով: (STARHUB   Սինգապուր)

Իրականացրեք շուկայական դիրքավորում ըստ բրենդի նշանակության: (HEINEKEN   Թայվան)

Ավելի ստեղծարար մոտեցում ցուցաբերեք Ձեր սպառողների  խնդիրները արտահայտելու, ի ցույց դնելու  հարցում: (ALZHEIMER’S  Նոր Զելանդիա)

Երբեմն հրաժարվեք միջնորդներից, վաճառեք անմիջական (ուղղակի) և ավելի արդյունավետ: (AUSSIEFARMERS DIRECT Ավստրալիա)

Կիրառեք նոր տեխնոլոգիաներ ամենօրյա խնդիրները լուծելիս, որպեսզի կյանքը ավելի հեշտացնեք: (BAIDUCHOPSTICKS  Չինաստան)

Կապվեք ավելի մեծ բրենդների հետ, որպեսզի նրանք Ձեզ օգնեն Ձեր բիզնեսի ավելի արագ և հեռանկարային աճին: (DISNEYENGLISH SCHOOLS Չինաստան)

Երբեմն ավանդական լուծումները ավելի ոգևորիչ են լինում: (LUCKYIRON FISH Վիետնամ)

Ձեր սպառողների համար Ձեր ապրանքը օգտագործելու նոր պատճառներ գտեք: (MOABEER Նոր Զելանդիա)

Օգտվելով տվյալների բազաներից անհատականացրեք Ձեր սպառողներին և հատուկ 

կապեր ստեղծեք նրանց հետ: Նրանք իրենց հերթին կօգնեն առաջ մղել Ձեր բիզնեսը: (XIAOMIMIBAND Չինաստան)

Գտեք այն ընդհանուր մասը, որը ընկած է Ձեր բրենդի հաղորդագրության հիմքում և Ձեր լսարանի հետաքքրրությունների շրջանակում: (KEMPINSKI  Դուբայ)

Թող Ձեր բրենդը դառնա դեսպան՝ հասրակության որևէ ոլորտում կարևոր առաքելություն կատարելով: (VLISCO  Գանա)

Օգտագործեք վճարովի լրատվության ուժը սպառողների սովորույթներն ու վարքագիծը փոխելու համար: (STOP THE SHOP  Լիբանան)

Մտածեք նոր փաթեթավորում ստեղծելու ուղղությամբ: (AXE  Եգիպտոս)

Ստեղծեք նպատակ Ձեր բրենդի համար: (PROCTOR& GAMBLE  ՀԱՀ)

Օգտագործեք մշակութային ժառանգությունը Ձեր նեղ տարածաշրջանային շուկան շահելու համար (օրինակ, եթե մարզային այլ քաղաք կամ շուկա եք ուզում ներթափանցել): (GUINESS  Աֆրիկա)

Առաջարկեք ամբողջական լուծումներ հատկապես այն սեգմենտին, որը դրա կարիքը ունի: (FARMFROM A BOX  Եթովպիա)

Շարունակությունը հաջորդիվ...

Թվային մարքեթինգ, փաստեր, որոնք պետք է իմանալ

Բիզնեսի աշխարհը ահռելի փոփոխություններ է կրել ինտերնետ մարքեթինգի հնարավորությունների ընլայնման առումով:

           

       Ձեզ եմ ներկայացնում որոշ փաստեր, որոնք Ձեզ կoգնեն մշտապես հետևել ինտերնետ մարքեթինգի փոփոխություններին:

Այս վիճակագրական տվյալները  բազմաթիվ լուրջ հետազոտությունների արդյունքներ են՝ խոշոր մարքեթինգային ընկերությունների կողմից կատարված:

Ամբողջ աշխարհում ընկերությունների 71%-ը պլանավորում են բարձրացնել իրենց թվային մարքեթինգի բյուջեն:

Սպառողների մոտավորապես 80%-ը հետազոտում է ապրանքի մասին եղած տեղեկատվությունը ինտերնետում նախքան այն օնլայն գնելը:

Հոդվածները, որոնք ունեն նկարներ, 94 %-ով ավել են կարդացվում, քան ուղղակի տեքստերը:

Վեբ կայքերի էջերը, որոնց մեջ տեղադրված են վիդեո հոլովակներ, ավելի շատ քննարկումներ, մեկնաբանություններ են ունենում,  քան մյուսները:

Առանց զարմանալու կասեմ, որ գնորդների  77%- ը գնում է կատարում այն ընկերություններից, որոնք գոյություն ունեն սոցիալական ցանցերում:

Facebooky-ը Twitter-ը, Linkedin-ը ընդհանուր սոցիալական ցանցերի առումով ապահովում են դեպի վեբ կայքեր գնորդների այցելությունների 60% -ը:
Տեղեկատվական մարքեթինգը 3 անգամ առավել արդյունավետ է ավանդական մարքեթինգից և  62%- ով քիչ ծախսատար: 

Սպառողները իրենց ժամանակի 62%-ը անցկացնում են ինտերնետում, այն էլ հեռախոսովJ

Վերաթիրախավորումը (անգլերեն ավելի լավ է հնչում retargeting), կարող է մեծացնել լսարանի արձագանքը կատարված հայտարություններին մինչև անգամ 400%-ով:

Օգտվողների 71% -ը օգտվում է  սոցիալական ցանցերից հեռախոսի միջոցով:

Էլեկտրոնային փոստով սմարթֆոն օգտագործողների ուշադրությունը գրավելու լավագույն ժամանակահատվածը նամակը ուղարկել կեօրին՝ ժամը 1-ին, կարճ հաղորդագրությամբ գրավելու հարմար ժամանակը ժամը 5-ն է,  իսկ սոցիալական ցանցով հաղորդագրություն ուղարկելու համար ամենաճիշտ ժամանակը երեկոյան ժամը 6-ն է:

Գիշերը թողեք, որ մարդիկ հանգիստ քնենJ

8 ոսկե կանոն վաճառող-խորհրդատուի համար

Ձեզ բաժին է ընկել վաճառող խորհրդատուի դժվարին և պատասխանատու գործը, և Դուք չեք կողմնորոշվում, թե ինչպես գրավել Ձեր սպառողների ուշադրությունը: Իսկ միգուցե՞ Ձեզ գայթակղիչ բոնուսներ են խոստացել վաճառքի ավելացման դեպքում: Ուրեմն, հետևեք այս խորհուրդներին, որպեսզի Ձեր ջանքերը ապարդյուն չլինեն:

Ձեզ համար առանձնացրել եմ  8 կարևորագույն սկզբունքներ, որոնց պետք է հետևեք, եթե ստանձնել եք ապրանք վաճառելու կարևոր և լուրջ գործը: Այսպիսով.

Պետք է իմանալ ամեն ինչ Ձեր ապրանքի մասին:

Հարկավոր է լիարժեք իմանալ ապրանքի տեխնիկական հատկությունները, որակը, նյութերը, արտադրությունը, արտադրման երկիրը, օգտակարությունը, կիրառելիությունը և այլն:

Անհրաժեշտ է ունենալ հստակ ուղեցույց Ձեր վաճառքի գործընթացի մասին:

Դա կարող է իրենից ներկայացնել որոշակի պլան, օրինակ, ապրանքը ներկայացնել, փորձարկել, պատմել ապրանքի մասին, դիմել սպառողին, որպեսզի նա ինքը օգտագործի կամ փորձարկի, եթե հատուկ փաթեթավորում ունի, ապա կարելի է նմուշը փորձարկել, և գնումը կատարելուց հետո, իրականացնել փաթեթավորում, լուծել առաքման հետ կապված հարցերը, եթե դրանք առկա են: Այս ամենի ընթացքում պահպանել բարեկիրթ և հաճելի սպասարկման էթիկան: Ժպտացե՛ք, և, եթե 100 անգամ էլ պետք լինի, շնորհակալություն հայտնեք անկախ ամեն ինչից:

Հղեք հարցեր Ձեր գործընթացի հետ կապված ու դեռևս չբացահայտված խնդիրներին:

 Սա ինքներդ Ձեզ հարցեր ուղղելու մի գործընթաց է, որպեսզի Դուք պարզեք, արդյո՞ք տիրապետում եք ողջ ինֆորմացիային, որը կարող է հետաքրքրել գնորդին՝ կապված ապրանքի որակական հատկությունների, մինչև անգամ Ձեր խանութների ցանցերում առկա ապրանքային մնացորդների մասին ինֆորմացիայի հետ:

Մի թերագնահատեք Ձեր սպառողների գիտելիքները, նրանք կարող են բավականին տեղեկացված և գիտուն լինել:

Սրա մասին ավելորդ կհամարեմ որևէ բան գրել J

Մի արեք այնպես, որ նմանատիպ խնդիրները համեմատելով՝ դրանք վերագրեք Ձեզ կամ որ նույնն է տաք նմանատիպ լուծումներ, ամեն ինչ տարբեր կարող է լինել տարբեր իրավիճակներից և տարբեր ժամանակներից ելնելով:

Հնարավոր է նույն Ձեր խանութում մեկ այլ վաճառող խորհրդատու նմանատիպ ապրանքը վաճառել որոշակի պայմաններով: Սակայն Դուք պետք է մշտապես զգոն լինեք՝ արդյո՞ք Ձեր իրավիճակը կրկնվում է: «Ես դրա մասին ինչ-որ տեղ լսել եմ, միևնույն խնդիրը...միևնույն լուծումը», այս ամենը կարող է խաբուսիկ լինել, ամեն ինչ անհատական է:

Մի հորինեք չեղած բաներ, հեքիաթներով մի խաբեք:

Եթե ինչ որ բանի վրա վստահ չեք, ավելի լավ է ճշտել, քան սուտ հորինել: Հիշե՛ք, սպառողը կարող է վերադառնալ:

Մի թվարկեք հնարավորություննները, այլ այն լուծումները առաջարկեք, որոնք կցանկանար լսեր սպառողը ապրանքը ձեռք բերելիս:

Խորհրդատվական վաճառքի բանալին ապրանքի գնի հիմնավորումն է՝ նրա օգուտների վրա կենտրոնանալով:

     Եվ վերջում. Ձեր հաճախորդների մեջ կարճաժամկետ հեռանկարներ տեսնելու փոխարեն (այսինքն, վաճառեցինք ապրանքը, և վերջ), տեսե՛ք նրանց մեջ երկարաժամկետ գործընկերների:

Տեղեկատվական մարքեթինգի հեռանկարները 2016 թվականին

More presentations from Tatev Azatyan

Ձեր կոմերցիոն կայքում վաճառքի ծավալների ավելացման 20 եղանակ

   Ձեզ եմ ներկայացնում Ձեր կոմերցիոն կայքի վաճառքի ծավալները ավելացնելու 20 հնարավորություն:

     Ի՞նչ եք հասկանում, երբ ասում եք «ավելացնել վաճառքը»:

     Այն ավելի է քան «Գնել» կոճակը Ձեր կայքում:
     
     Դա նաև՝հետևյալն է՝

•          Գնում կատարելու  որոշման արագությունը,
•          Սպառողի կյանքի իմաստը (արժեքները),
•          Պատվերների միջին արժեքը,
•          Սպառողի բավարավածությունը,
•          Նոր գնորդները,
•          Կրկնվող գնորդները,
•          Գրացումները (Ձեր կայքում հաշվի բացումները),
•          Կայքից հեռացողները,
•          Հետ վերադարձվող ապրանքները,
•          Ձեր կայքում ժամանակ անցկացնելու տևողությունը,
•          Առանձին էջերի այցելությունները,
•          «Գնել» կոճակի կլիկները:

   Այս նյութի նպատակն է Ձեզ ցույց տալու բազմաթիվ ձևեր նման հաջողություն ունենալու համար, որը ես անում եմ առանց Ձեր վեբ կայքերը ուսումնասիրելու: Ի՞նչ է նշանակում լինել օգտակար: Դա նշանակում է, որ Ձեր ապրանքը կամ ծառայությունը ներկայացնում է այն ինչ ուզում է և սպասում է սպառողը , որ այն ներկայացնի իրենից: Եվ դա է ստիպում սպառողին գնում կատարելու որոշում կայացնել:  Ինչի՞ մասին Դուք պետք է անհանգստանաք: Կայքի համար օգտակար լինելը անհրաժեշտ է պարզապես գոյությունը ահպանելու համար: Եթե  նրանից օգտվելը սպառողների համար դժվար եղավ,նրանք պարզապես կլքեն այն:

      Կայքից օգտվելու պարզությունը և հեշտությունը կայանում է հետևյալում.

·         Հեշտ ընկալելի լինելը,

· Կառուցվածքի արդյունավետությունը. Մեկ անգամ այցելելով, դրա բաժիններից օգտվելու արագ հնարավորությունը,

·         Հիշվող և տպավորիչ լինելը,

·        Սխալները կայքից օգտվելիս. Որքան շատ և ընդհանուր կարող են լինել այդ սխալները և որքան հեշտորեն նրանք կարող են դրանցից խուսափել,

·         Բավարավածությունը. Ինչ հաճույք են ստանում Ձեր կայքից օգտվելիս:

Իսկ սպառողին մշտապես պահպանելու համար, պարզապես՝

·       Հեշտացրեք սպառողի գործը, արագ գտնել այն, ինչ նա փնտրում է և/կամ բացահայտել այնպիսի նոր բաներ, որ նրան կհետաքրքրի:

·       Օգնեք նրան գրագետ որոշում կայացնել, այնպես, որ նա վստահ լինի, որ ապրանքը հենց իր համար է նախատեսված:

·         Վստահություն առաջացրեք, որ ինքը ճիշտ է անում գնելով  Ձեր ապրանքը այլ ոչ թե ուրիշինը:

·          Հանգեցրեք նրան գնում կատարելու որոշմանը շատ զգույշ և արդյունավետ կերպով:

Եկեք սրանց անդրադառնանք հերթով:

1.Ապրանքները միաժամանակյա խմբավորելով տարբեր խմբերի մեջ՝ ըստ սպառողի կարիքների, օգտագործման եղանակի, սեզոնի կամ տենդենցների, Դուք կօգնեք նրան ամեն չափանիշով էլ փնտրելիս այն հեշտորեն գտնել:

2.Թույլ մի տվեք նրան կագնել երկընտրանքի առջև, դրդեք նրան անմիջական գնման, այլ ոչ թե գնման հետաձգմանը:

3.Առաջարկեք անմիջապես այլընտրանք, եթե նա լքում է էջը: Երբ էջը փակվում է գալիս է անմիջապես այլ հաղորդագրություն մեկ այլ նկարով նմանատիպ այլ ապրանքի վերաբերյալ:

4. Երևի ավելորդ կլինի խորհուրդ տալ ապրանքների հետ դրանց օժանդակ կիրառության այլ ապրանքներ առաջարկելը:

5. Ունեցեք «Նորույթներ» -ի բաժինը հետ վերադարձող հաճախորդներ ունենալու համար:

6. Բարձրացրեք Ձեր փնտրման համակարգի արդյունավետությունը և արագությունը, որպեզի ի պատասխան հաճախորդների որոնումներին ճիշտ և կոնկրետ հղումներ լինեն:

7. Ներկայացրեք ապրանքը պրոֆեսիոնալ նկարներով, ամենայն մանրամասնությամբ, ներկայանցելով դրանք նաև կիրառման մեջ: Նկարեք վիդեո:

•     Վիդեո նկարահանումները կարող են բարձրացնել վաճառքի ծավալները 6-30%-ով:
•   Գնման որոշում կայացնելու արագությունը բարձրացնում է գնում կատարելու հնարավորությունը 400%-ով, իսկ հետ վերադարձվող ապրանքները նվազեցնում են այն 12-9%-ով:

8.Գրեք ապրանքի նկարագրությունը՝ այն կապելով նրա արժեքի հետ, այն կարող եք անգամ պատմական ոճով ներկայացնել՝ առաջացնելով էմոցիաներ(ժպիտ, հիացմունք, ուրախություն...):

9.Հիշեք որ Ձեր ապրանքից արդեն օգտվողների մեկնաբանությունները շատ կօգնեն Ձեզ ապրանքի վաճառքի հարցում: Հաճախորդների  90%  վկայում են, որ իրենց գնման որոշման վրա ազդեցություն են թողել օնլայն ակնարկները, իսկ գնորդների 63%-ը ասում են իրենք հակված են այն էջերից ու կայքերից գնումներ կատարել , որտեղ առկա են նման մեկնաբանությունները:

10.Դրդեք սպառողներին կոնկրետ գործողությունների՝ ավելացնել ապրանքը զամբյուղի մեջ, պահպանել էջի հղումը: Եվ , երբ ապրանքը արդեն կհայտնվի զամբյուղի մեջ, պետք է առաջարկել այնպիսի օժանդակ կամ լրացուցիչ ապրանքներ, որոնք կբարձրացնեն արդեն իսկ ձեռք բերված ապրանքի օգտակարության արժեքը:

11. Արեք այնպես , որ սպառողները իրենց վստահ զգան , որ ճիշտ են արել ձեզանից ապրանքը ձեռք բերելով, այլ ոչ թե մրցակցից: Շատ հետազոտություններ ցույց են տալիս որ սպառողների գնումների վրա ավելի շատ ազդում են խանութների գերազանց սպասարկումը քան թե ապրանքների գները:

12.Դիֆերենցեք Ձեր սպառողներին՝ ցուցաբերելով անհատական առցանց խորհրդատվություն: Օնլայն գնորդների 46%-ը  ցանկանում է ունենալ օնլայն խորհրդատվություն:

13.Համոզվեք, որ առաջարկվող ապրանքի գինը ակնհայտ երևում է բոլոր էջերում:

14.Պարզորեն ներկայացրեք տեղափոխման ծախսերը, թույլ մի տվեք, որ Ձեր սպառողը հանկարծակիի գա: Օնլայն գնորդների 56%-ը պնդում է,  որ անակնկալի է գալիս, երբ հանկարծակի ապրանքի գինը բաձրանում է, որը  ստիպում է հրաժարվել գնումից:

15. Ստեղծեք հեղինակություն և առաջացրեք վստահություն՝ օգտագործելով սոցիալական ցանցերի հնարավորությունները:

16. Սպառողը Ձեզանից ակնկալում է, որպեսզի Դուք նրան հանգեցնեք նրան գնում կատարելուն և իր ունեցած դրամը Ձեզ փոխանցելուն: Առաջնորդվեք այս մտքով և արեք վերոնշյալը այն գրագետ իրականացնելու համար:

17.Մի ստիպեք հաճախորդներին գրանցվել, երբ նրանք ընդամենը դեռ հյուրեր են հանդիսանում:

18. Մի շեղեք սպառողին գրանցումներ կատարելու փուլում, երբ որ նա հատկապես գրանցում է հասցեն և այլ տեղեկատվություն վճարման և առաքման մասին: Ձեր խանութի այդ էջը պետք է լինի շատ պարզ ու չհագեցած այլ տեղեկատվությամբ:

19. Առաջարկեք վճարման հնարավորինս շատ ու բազմազան մեթոդներ, այդ գործընթացը առավել հարմար դարձնելու համար:

20. «Զրկեք» հաճախորդին մյուս անգամ գնում կատարելիս երկար փնտրելուց, նրա հետ կայուն կապեր ստեղծելով:

   Եվ վերջում նաև խորհուրդ կտամ զարմացնել Ձեր հաճախորդներին՝ մատուցելով փոքրիկ անակնկալ նվեր կամ զեղչի հնարավորություն ապրանքն առաքելիս, հավատացեք այն կարող է մեծ տպավորություն թողնել, անգամ աննշան անակնկալը և մի մոռացեք նրան հարցում անել ,ապրանքը ստանալուց հետո՝ դուր եկելէ ա այն, թե ոչ:

Ինչպես ճիշտ օգտագործել Facebook- ը

Facebook-ը իրականում որպես ընկերություն չէ ստեղծված : Այն ստեղծված է իրականացնելու սոցիալական առաքելություն , այն է՝ աշխարհը դարձնել առավել բաց և կապակցված:

Մարկ Ցուկենբերգ

   Մի փորձեք Facebook –ի միջոցով առաջ մղել ձեր ընկերության առաջարկները ուղղակիորեն: Մարդիկ Facebook են մտնում շփվելու համար: Կենտրոնացեք հեղինակություն և վստահություն ստեղծելու վրա՝ տարածելով ամենօրյա թարմ և յուրահատուկ տեղեկատվություն: Մարդկանց առաջ մղեք դեպի Ձեր էջը և ոչ թե անմիջապես Ձեր կոմերցիոն առաջարկները: Դուք կարող եք ստեղծել «սեղմված»  էջ անմիջապես Facebooky- ի Ձեր էջի մեջ Wooboxi-ի միջոցով: Դուք կարող եք Ձեր հետևորդներին ուղղակի էլեկտրոնային նամականերով ներկայացնել Ձեր առաջարկները և առաջ մղել  անհատական հարմարեցված լսարան ստեղծելով (CustomAudience Ads):

   Պատասխանե՛ք Ձեր հետևորդների հարցերին, ովքեր հարցեր են թողնում Ձեր ֆեյսբուքյան էջին:

   Կատարե՛ք կանոնավոր որոշակի ժամի հաղորդագրություններ (փոստեր), որպեսզի Ձեր հետևորդները իմանան Դուք երբ եք լինում օնլայն: Հետազոտեք օրվա առավել աշխույժ ժամանակահատվածը, գտնելու օպտիմալ ժամանակահատվածը, երբ Ձեր հետևորդները լինում են օնլայն և կատարեք հաղորդագրություններ:

   Տեղադրեք նկարներ անհատական ցիտատներով, որոնցով Դուք հանդես եք գալիս: Որպեսզի մարդիկ միշտ հիշեն Ձեզ:

Ձեր օնլայն վաճառքը իրականացնելու 7 ճանապարհ

Ձեր օնլայն վաճառքը իրականացնելու 7  ճանապարհ

Ներկայացնում ենք Ձեզ փոքր բիզնեսը կազմակերպելու 7 կարևոր քայլ, որոնք Ձեզ կօգնեն ճիշտ ներկայանալ Ձեր շուկային:

 Եվ այսպես/

1.Սկսեք բլոգ վարել: Բլոգը ցույց է տալիս, որ  դուք մասնագետ եք Ձեր ոլորտում, մշտապես մարդկանց պահեք տեղեկացված: Բլոգը Ձեզ հնարավորություն է տալիս հետաքրքիր տեղեկատվություն տարածել սոցիալական ցանցերում և այն մեծ  SEO գործիք է:

2.Մասնակցեք ֆորումներին, հարց ու պատասխաններին, միացեք քննարկումներին, որպեսզի Ձեր անունը շատ երևա և հատկապես այն խմբերում, որտեղ որ առկա է Ձեր թիրախային լսարանը:

3.Միացեք Pinterest-ին: Այն որպես մեկ այլ սոցիալական ցանց ունի իր առանձնահատկությունները: Իսկ, թե ինչ է այն իրենից ներկայացնում կարդացեք այստեղ:

4.Օպտիմալացրեք Ձեր կայքը: Ոիշադրություն դարձրեք, որ Ձեր կայքը օպտիմիզացված լինի բջջային հեռախոսների և պլանշետների համար, որպեսզի բաց չթողնեք բջջային հեռախոսներից օգտվողներին առաջարկներ կատարելու թանկագին հնարավորությունից: Բջջային օգտվողների 30%- ը հրաժարվում է շփումից կամ գործարքներից, եթե Ձեր կայքը բավականին օպտիմիզացված չէ նրանց համար:

5.Ուղարկեք անվճար նմուշներ Ձեր թիրախային շուկաներին, դրանք կարող են լինել բլոգերները, սոցիալական ցանցերի այն օգտատերերը, որոնք արդեն ունեն հսկայական հետևորդների բանակ և մեծ հեղինակություն:

6.Նկարեք Ձեր ապրանքների անթերի, պրոֆեսիոնալ նկարներ, տարբեր անկյուններից և հեռավորությունից:

7.Երբեմն եղեք օֆլայն, որպեսզի համոզվեք Ձեր հետևորդների ակտիվության համադրությունը օնլայն և օֆլայն ռեժիմների դեպքում:

Pinterest սոցիալական ցանց

Pinterest –ը   Սոցիալական  ինտերնետային  ծառայություն է, նկարների փոխանակման կայք, որը հնարավորություն է տալիս օգտվողներին ավելացնել առցանց պատկերները եւ տեղադրել դրանք թեմատիկ հավաքածուներով և կիսվել նրանց հետ, այլ օգտվողների հետ:

 Կայքում ներբեռնված նկարները կոչվում են «կոճակներ» (pin), իսկ հավաքածուները, որոնց որ պատկանում են կոչվում են «տախտակներ» (boards): Իր ստեղծագործական մոտիվներով այն առավել տարածված է կանանց շրջանում: Ունի բարձր վարկանիշ և ըստ alexa.com զբաղեցնում է վարկանիշային աղյուսակում 31-րդ  տեղը:

  

Twitter- ում Ձեր բիզնեսը արդյունավետ դարձնելու 6 ուղիներ

 Փոքր բիզնեսի համար սոցիալական ցանցերը ամենաարդյունավետ ուղիներից են, ինչպես իրենց հաճախորդների հետ հարաբերվելու համար, այնպես էլ նոր պոտենցիալ հաճախորդներ գտնելու համար: Այս անգամ կբացատրենք, թե որքանով արդյունավետ կարող է Twitter-ը լինել այս հարցում:

   Դժբախտաբար, նույնիսկ շատ փորձառու թվիթերիստներ, էլ չենք խոսում նորեկների մասին, շատ հաճախ սխալվում են Twitter-ի արդյունավետ գործածության հարցում , չհասկանալով , արդյո՞ք իրենց թվիթները ներկայացնում են իրենց բիզնեսը կամ բրենդը իրենց իսկ անձը ներկայացնելու փոխարեն: Բարեբախտաբար մենք ունենք որոշ խորհուրդներ Ձեր ապագա թվիթի 140 սիմվոլը առավել արդյունավետ դարձնելու համար:

   Ձեր թվիթերյան էջը կարող է մեծ տպավորություն թողնել հաճախորդների վրա, որոնք այն տեսնում են, և, երբ Դուք պատրաստվում եք օգտագործել Twitter-ը Ձեր բիզնեսը առաջ մղելու համար, Դուք ենթադրում եք , որ շատ մարդիկ այն կտեսնեն: Ձեր  էջը (profile) պետք է լինի շատ տպավորիչ, այդ պատճառով դուք կարող եք ընտրել Ձեր սեփական պրոֆիլային նկարը, գլխավոր նկարը և հետին պլանի նկարը: Ձեր պրոֆիլային նկարը հայտնվում է բոլոր Ձեր թվիթների հետ միաժամանակ, այդ պատճառով շատ ընկերություններ ընտրում են իրենց լոգոն,այնուամենայնիվ որոշ անհատ գործարարներ կարող են ընտրել իրենց անուն-ազգանունը: Դուք կարող եք Ձեր գլխավոր նկարը և հետին պլանի նկարը ընտրել այնպիսի գույների մեջ, որոնք ներդաշնակ կլինեն Ձեր լոգոյի հետ կամ էլ կարող եք առավել ստեղծագործ մոտեցում ցուցաբերել: Գլխավոր նկարը լավագույն տեղն է Ձեր աշխատանքը կամ էլ արտադրանքը (ապրանքը) ներկայացնելու համար:

   Օրինակ Sony ընկերությունը, օգտվելով հնարավորությունից ներկայացրել է իր արտադրանքներից մեկը իր կիրառման ոլորտում:

   Դուք նաև պետք է ուշադրություն դարձնեք Ձեր Twitter-ի բովանդակության վրա: Քանի որ Դուք մեծ տեղ չունեք երկար շարադրելու Ձեր բիզնեսի մասին տեղեկատվություն (առաքելությունը, առավելությունները և այլն), Դուք պետք է ամնմիջապես կենտրոնանաք, թե ինչպես կարող եք օգնել մարդկանց: Եթե Դուք դա անեք որոշակիորեն անհատականացնելով նրանց՝ այն կօգնի Ձեզ լավ տպավորություն թողնել:

   Փնտրեք մարդկանց, ովքեր կհետևեն Ձեզ: Ձեր թվիթերյան փորձը որոշվում է մարդկան և այլ ընկերությունների թվով, որոնք Ձեզ հետևում են: Երբ Դուք սեղմում եք ինչ որ մեկի անձնական էջի «Հետևել» կոճակը, Դուք հնարավորություն եք ստանում տեսնելու նրա թվիթները. Հետևաբար Դուք պետք է կողմնորոշվեք այն հաճախորդների վրա, ում կհետաքրքրի Ձեր արտադրանքը կամ ապրանքը: Այդ առումով խորհուրդ ենք տալիս Ձեր մրցակից ընկերությունների կամ գործարարների կամ, առհասարակ, մրցակիցների հետևորդներին հետևեք, և Դուք հնարավորություն կստանաք նրանց համար դառնալու այլընտրանք:

   Դուք կարող եք օգտագործել Twitter-ի փնտրման ֆունկցիան, փնտրելով Ձեր բիզնեսին առնչվող բանալի բառերը: Երբ Դուք զտեք փնտրման արդյունքները, թողնելով միայն Ձեր տարածաշրջանից «եկող» թվիթները, Դուք նմանապես կգտնեք այն մարդկանց, որոնց կարող են հետաքրքրել Ձեր ընկերությունը կամ ապրանքը: Հետևեք նրանց կամ պատասխանեք նրանց թվիթներին, եթե կարծում եք, որ կարող եք օգնել նրանց ինչ որ հարցում:

   Եվ երբ ինչ որ մեկը սկսում է Ձեզ հետևել, անկասկած Դուք էլ պետք է դառնաք նրա հետևորդը: Դա ցույց կտա, որ Դուք էլ եք հետաքրքրված նրանով,և դա ավելի հավանական կդարձնի այն, որ նրանք ավելի հաճախ «կպտտվեն» Ձեր շուրջը:

   Երբ Դուք նոր սկսեք կիրառել Twitter-ը, այն սկզբից կարող է հիասթափեցնել Ձեզ, և կթվա թե ոչ ոք ուշադրություն չի դարձնում Ձեզ: Բայց եղե՛ք համբերատար: Եվ հաշվի առեք մի բան, որ պետք է ակտիվ լինել մշտապես ներկայանալով փոստերով և թվիթներով: Դուք կկորցնեք հետաքրքրությունը, եթե ակտիվություն չցուցաբերեք օրերի կամ էլ շաբաթների ընթացքում:

   Դուք գոնե մեկ կամ երկու թվիթ պետք է անեք օրվա ընթացքում: Այն պահպանում է հետաքրքրությունը Ձեր հանդեպ: Թվիթ արեք տարբեր բաների վերաբերյալ: Խորհուրդներ տվեք մարդկանց: Կարող եք անգամ հումորային դրվագներով կիսվել: Տվե՛ք հարցեր Ձեր լսարանին, կատարեք քննարկումներ: Կիրառեք հայտնի հաշտեգերը նոր մարդկանց հետ կապ հաստատելու համար: Տարածեք հղումներ, որոնք առնչվում են Ձեր գործի հետ կամ , որոնք պարզապես հետաքրիր են: Եվ ինչ էլ, որ անեք , արեք այնպես, որ ընգծվի Ձեր անհատականությունը:

   Twitter –ում առավել հաջողված ընկերությունները (անհատները) նրանք են, ովքեր գտնում են մարդկանց ուրախացնելու և դրական ազդեցություն թողնելու ձևերը՝ պահպանելով թվիթների որոշակի ոճ: Հիշե՛ք, որքան անհատական և հատուկ հանդես գաք այնքան Ձեր հետևորդները իրենց յուրահատուկ կզգան Ձեր բրենդի հետ առնչվելով:

    Կապեք Ձեր Twitter-ի էջը Ձեր մաքեթինգային մյուս գործքիների հետ: Հղում կատարեք Ձեր գովազդներում Ձեր թվիթերյան էջը, տեղադրեք հղումը Ձեր վեբ կայքում: Եթե ունեք բլոգ (եթե չունեք , ապա ստեղծեք) տեղադրեք հղումներ Ձեր թվիթների: Շատ մարդիկ ամաչում են իրենց այս տարբերակով առաջ մղելու համար, բայց, երբ ինչ որ մեկը, կարդում է Ձեր բլոգը, ապա նա բավական հետաքրքրված  է Ձեր գործով և հավանաբար կարող է հետևորդ հանդիսանալ Ձեզ Twitter-ում և հակառակը:

   Եվս մեկ ընհանուր ձև հետևորդների թիվը շատացնելու համար: Կարող եք որոշակի պարգևներ սահմանաել նրանց ովքեր կրկնակի թվիթ կանեն Ձեր իսկ թվիթները և այդ դեպքում նոր լսարանը կտեղեկանա Ձեր մասին:

   Twitter-ը շատ արագ գործիք է, և ինչ որ մեկը, եթե դիմում է Ձեզ մի հարցով, նա ակնկալում է արագ արձագանք:

   Հաշվի առնելով մեր խորհուրդները Դուք առավել հաջողակ կլինեք Twitter-ում և եթե ունեք որոշակի խորհուրդներ Ձեր անձնական էջը առաջ մղելու հետ կապված դիմեք ինձ...

   

Օնլայն մարքեթինգի տենդենցները 2016 թվականին

Շատ հետաքրքիր է հետևել  այն բանին, թե ինչպես են հսկա սոցիալական ցանցերը , գրեթե ամեն շաբաթ իրենց նոր ֆունկցիաները ներկայացնում հասարակությանը:

 Որոշ հետազոտությունների համաձայն առանձնացրել ենք այնպիսի տենդենցներ, որոնք կարող են բնորոշել օնլայն մարքեթինգին  2016 թվականին:

 Հրավիրում եմ մարքեթոլոգների, հետազոտողների ուշադրությունը, և, եթե ունեք լրացումներ, այլ կարծիքներ, եկեք դրանք քննարկենք նյութի մեկնաբանություններում:

1.Կենդանի ալիք:

 Սա մարքեթոլոգները պետք է մշտապես իրենց տեսադաշտում ունենան: Խոսքը վերաբերում է վիդեո տեսահոլովակներին: Վիդեո հոլովակները, ինչպես եղել են այնպես էլ շարունակելու են մեծ ու կարևոր տեղ զբաղեցնել բոլոր պլատֆորմներում՝ պարունակելով արդյունավետ բովանդակություն: Պետք է հետևել նաև վիդեո նկարահանման որակին, ինչպես նաև նկարների որակին, հատկապես, եթե խոսքը վեաբերում է սոցիալական ցանցերին (facebook, Instagram): Լավ որակ ապահովելու համար օգտվել արդեն iphone 6s հնարավորություններից կամ էլ նորագույն այլ սմարթֆոններից: Իսկ կենդանի ալիքը հաջորդ քայլն է, որն առավել մոտ է դարձնում բրենդները իրենց հետևորդներին ուղիղ եթերով: Սոցիալական ցանցերը արդեն դա իրականացնում են Youtub –յան,   Facebook –յան իրադարձությունների ալիքի միջոցով (YouTube Events, Facebook Live ը, որը հասանելի է մեծ հաշիվներին, ինչպես նաև  Periscope, Meerkat,  Blab օնլայն ցանցերին: Բրենդները աշխատում են անմիջապես նվաճել  իրենց սպառողների հետաքրքրությունը ուղիղ հեռարձակումների միջոցով, ինչպես օրինակ անում է Apple –ը ( Apple Keynote) ամեն տարի սեպտեմբերին:

Իրենց որակի կայունության հետ միաժամանակ, բրենդները փորձում են կենդանի քննարկումների մեջ մտնել իրենց սպառողների հետ՝ իրականում ևս ցուցադրելով իրենց ֆիրմային դեմքը:

2.Թվային օգնականներ:

   Google Now, Cortana, Siri և շուտով նաև Facebook’s M –սրանք բոլոր գիտուն թվային օգնականների օրինակներ են: Կարծում ենք սա կլինի  ամենամեծ մարտահրավերներից մեկը ուղղված հենց մարքեթինգին 2016 թվականին: Սա նշանակում է պահպանել  որոնողական մարքեթինգի արդիականությունը:

   Արդյո՞ք բրենդները հնարավորություն կունենան ազդելու Siri – ի առաջարկների վրա, օրինակ ասենք, միանգամից պատվեր ընդունելով հենց բրենդային իրենց կոշիկի խանութից:

3.Սոցիալական ցանցերի գովազդներ:

  Բերված է օրինակ  Facebook- յան հետազոտությունից: Ցուցադրված է բրենդների հաղորդագրությունների միջին հասանելիությունը Facebook- ում (երկրպագուների որ տոկոսին է հասանելի՝ փոփոխությունը ըստ ամսիների):

                                                  Բոլոր բրենդային էջեր      500-ից ավել հավանության արժանացած էջերը

                                             Հոկ.13                    Նոյ. 13                    Դեկ. 13.                 Հուն.14                Փետ. 14

   Սա շատ ակտուալ  է եղել 2015 թվականի, սակայն ինչպես վիճակագրությունն է ցույց տալիս,  Facebook – ի գովազդային հասանելիությունը նվազել է՝ հաջորդելով Instagram –ին : Instagram –ը կանխատեսում է գովազդից 600 մլն դոլար ապահովել ամբողջ աշխարհում, որը Facebook –ի եկամտի ընդամենը 5 %-ն է: Փաստ է դառնում, որ սոցիալական ցանցը այլևս սոցիալական չէ, այն դառնում է կոմերցիոն: Սրանց հաջորդում են Twitter Cards, LinkedIn ads, Pinterest Buyable Pins, Spotify, Snapchat:

2016 թվականը սպավում իմաստուն թիրախավորման և օգտվողների կատարյալ փոձառության տարի: Որպեսզի բրենդները պահպանեն իրենց օգտվողներին պետք է բարձրոկան բովանդակությամբ էջեր ունենան, և միևնույն ժամանակ, դրանցից շատ հեշտ լինի օգտվելը:

4. Ակնթարթային պատմություններ:

  Սոցիալական ցանցերը այլ հրատարակչական պլատֆորմներից կնվաճեն իրավունքը լինելու մեր որոնումների հասցեատեր կայքերը: Սա խաղի նման մի բան է ստացվում, որպեսզի սոցիալական ցանցերը պահպանեն իրենց օգտվողներին հենց իրենց ցանցերում: Այժմ այլ լրատվամիջոցային հարթակներ կունետան այս խնդիրը դեպի իրենց կայք օգտվողների հոսքերը չնվազելու առումով:

Դրա մասին են վկայում մեծ իրադարձությունների (պատերազմ, աղետ, միջոցառումներ և այլն) հազարավոր քննարկումները, հաղորդագրությունների տարածումները, թվիթները, որոնք էլ առաջացնում են սենսացիան:

5.Անձնական կյանքի ներխուժում:

  Հարկավոր է մտածել, թե որքան հսկայական ծավալի տեղեկատվության հոսք է գնում մարքեթոլոգներին ի շնորհիվ այն սարքերի, որոնց թույլ ենք տալիս վերահսկել մեր կյանքը: Օր-օրի մարդիկ սկսում են ավելի շատ օգտվել նման այսպես կոչված «ծառայություններից» ՝ վերահսկել սննդակարգը, քաշը, ճամփորդությունը, վազքը, սպորտը և այլն, որը թույլ է տալիս անհատականացնել սպառողների պահանջմունքները: Բայց արդյոք սա անձնական կյանքի ներխուժում չէ: Այս հարցը կապված է այն բանի հետ, թե որքան ենք մենք, հասարակ մարդիկ թույլ տալիս դա:

6.  Թվային կյանք տանից դուրս:

  Խոշոր բրենդներին, որոնք կարող են նման գովազդային ծախսեր թույլ տալ թվային տեխնոլոգիաների միջոցով արդեն իսկ դրսում կամ որոշակի սրահներում կարող են անհատականացնել սպառողների պահանջները:

Օրինակ հայտնի կոսմետիկ և պարֆյումերային բրենդ հանդիսացող  Clinique –ը: Տեսե՛ք թե նա, ինչպես է օգտագործում նորագույն տեխնոլոգիաները ի շահ իր սպառողների պահանջմունքների անհատականացման և լավագույնս բավարարաման:

7. Սպառողի սպասարկում:

  Սրա տակ պետք է հասկանալ արագ պատասխաններն ու արձագանքը սպառողների օնլայն հարցադրումներին: 2016 թվականին սա է լինելու արդիականը և ոչ թե գրավիչ աշխատակիցներըJ

8. Ձեր կայքի օպտիմիզացիան բջջային հեռախոսների համար:

  Խոսքը ոչ միայն այն մասին է, որը Ձեր կայքը հասանելի լինի բջջային հեռախոսներից օգտվելիս, այլ նաև այնքան հարմարավետ, որ հեռախոսներով հնարավոր լինի Ձեր կայքից հեշտ օգտվելը:

9. Սպառողներին ուղղված հաղորդագրությունների բովանդակությունը:

  Այն ևս պետք է վերանայել, օպտիմալացնել համաձայն նորագույն տեխնոլոգիաների: Օրինակ Apple Watch – ից օգտագործողների  մոտ հաղորդագրությունից երևում է ընդամենը 16 նիշ:

10. Աշխարահգրական դիրք:

 Կմեծանա մարքեթոլոգների խնդիրների արդյունավետ լուծումները հիմնված աշխարհագրական դիրքերը պարզելու հիման վրա: Եվ սա կապված է ոչ միայն Foursquare (apps) կամ Facebook-ի տեղադիրքի նշագրումների հետ այլ նաև նոր տեխոնոլոգիաների հետ, ինչպիսիք են՝ iBeacons , թվային ժամացույցները, որոնք ընլդայնել են վերոնշյալի հնարավորությունները մարքեթոլոգների  համար:

Օրինակ, ինչպես որ iphone  -ն է նշում մեր տեղադրած նկարները կամ հաղորդագրությունները, որտեղ են արվել: Նաև Google – ի վերջերս ներդրված նոր ռազմավարությունը տեղային որոնում իրականացնելու համար:  Որդեգրեք այս սկզբունքը հարգելի մարքեթոլոգներ, եթե դուք հետևում եք  տեղադիրքով կողմնորոշված ռազմավարության կամ կազմակերպում եք որոշակի միջոցառում որոշակի վայրում:

Այսքանը իմ կողմից, ըստ տարբեր աղբյուրների հետազոտությունների և վիճակագրության, եթե ունեք կոնկրետ կանխատեսումներ, կիսվեք, խնդրում եմ այստեղ, ինձ հետ:

x