Մի բրենդի պատմություն: Motorola

   «Motorola լեգենդար բրենդը այլևս չի հայտնվի բջջային հեռախոսների պատյաններին»: Այդ մասին հայտարարել է ստորաբաժանման տնօրեն Ռիկ Օսթերլոն CES 2016 ցուցահանդեսի ժամանակ, որը տեղի է ունեցել Լաս-Վեգասում:
  Ճանաչված անվան փոխարեն  կօգտագործվի Moto անունը ավելի թանկ մոդելների համար, իսկ առավել բյուջետային ապրանքաշարերի համար կօգտագործվի Vibe անունը:    Նոր ապրանքանիշը կժառանգի նաև Motorola-ի լոգոն ՝«М» տառը:2012 թվականից հանրաճանաչ ընկերությունը որպես առանձին բիզնես դադարացրեց գործունեությունը: Այն սկզբից պատկանում էր Google–ին, իսկ 2014 թվականից Lenovo-ին:
   Մի փոքր ակնարկ բրենդի պատմությունից: 
   Motorola-ի կարգախոսն է՝  բանականություն ամենուրեք, բարև moto:                                                  Intelligence Everywherehello moto:

Շատերի մոտ ընկերությունը ասոցացվում է բջջային հեռախոսների հետ, սակայն նրա ապրանքատեսականին շատ ավելի հարուստ և գունեղ է:
Ամեն ինչ սկսվեց 1928 թվականին, երբ բիզնեսմեն Փոլ Գալվինը (Pol Galvin) իր եղբոր՝ Ջոզեֆ Գալվինի (Josef Galvin) հետ հիմնեց Galvin Manufacturing Corporation ընկերությունը: Պատմության մեջ մտավ 750 դոլար գումարը, որը ուներ նա այդ ժամանակ, որի մի մասը միանգամից ծախսվեց անհրաժեշտ տարբեր գնումների վրա: Այդ ժամանակ Փոլը արդեն հարուստ փորձ ուներ բիզնեսի մեջ: Ըստ իր խոսքերի, «ինքն արդեն քանի անգամ ընկել էր և շնորհիվ դրա գիտի ինչպես բարձրանալ»:

   Առաջին շրջանում ընկերությունը զբաղվում էր ցանցային անտենաներով, որոնք ձեռքով էին հավաքվում ընդամենը 5 աշխատողների միջոցով: 

 1930 թվականին թողարկվող տեսականին ընդլայնվեց: Ստեղծվեց ավտոընդունիչ «Motorola»-ն: 

  Այդ տարիներին  «-ola» վերջավորությունը շատ տարածված էր էլեկտրոնիկա արտադրողների շրջանում, որը պայմանավորված էր հնչողությամբ (այն մինչ այժմ էլ կիրառելի է՝ ռադիոլա, մագնիտոլա): Այսպիսով ընկերությունը միացրեց վերջավորությունը «motor» բառի հետ՝ հուշելով, որ այն կապված է ավտոմեքենաների բաղադրիչների հետ: Առաջին մոդելը դրվեց Studebaker մեքենայի վրա, որը պատկանում էր ընկերությանը:

 Այնուհետև տեսականին սկսեց ընդլայնվել: Ստեղծվեցին հատուկ մոդելներ ոստիկանության օգտագործման համար: Ստեղծվեցին ռադիոընդունիչներ, ռադիոհեռախոսներ: Երկրորդ համաշխարհային պատերազմը ավելի ավելացրեց եկամուտները: Շարունակվում էին հետազոտություններն ու նոր մշակումները: 1943 թվականին հայտնվեց առաջին Walkie-talkie՝ գրպանի ռացիան՝ գործածության ոչ մեծ ռադիուսով:

  Այս ամբողջ տեխնիկայի հանրաճանաչությունը հանգեցրեց այն բանին, որ Galvin Manufacturing Corporation ընկերությունը փոխեց անունը՝ դարձնելով Motorola Inc: «М» տառի լոգոն հայտնվեց ավելի ուշ՝ 1955 թվականին: Այս լոգոյով ընկերությունը ուզում էր խորհրդանշեր իր ձգտումները դեպի վերև, դեպի առաջատար դիրք: Լոգոն հայտնի էր նաև որպես «emsignia» («չղջիկի թևեր»):

  1956 թվականին հայտնվում են առաջին փեյջերները: Պատմության մեջ հայտնի հեռուստացույցների համար նախատեսված  ուղղանկյուն կինեսկոպները ևս Motorola-ի արտադրանքն են (1963 թվական): Apollo տիեզերական նավերի տեխնիկան պատկանում էր այս ընկերությանը, այնպես, որ Լուսնից դեպի Երկիր առաջին ռադիոընդունման պատիվը պատկանում էր ընկերությանը (1969 թվական):

 Սակայն ընլկերության համար գլխավոր իրադարձությունը տեղի ունեցավ 1973 թվականին, երբ հայտնվեց աշխարհում հայտնի առաջին աշխատող բջջային հեռախոսը՝ Motorola DynaTAC (DYNamic Adaptive Total Area Coverage): 

 Այս սարքավորումը կոչված էր իրական հեղափոխություն իրականացնել: Կոմերցիոն իրացումից հետո անցել է 10 տարի, քանի որ առաջին  DynaTAC-ը հայտնվեց շուկայում 1984 թվականին: Չնայած շատ բարձր գնի, բջջային կապի օգտվողների թիվը արդեն մի քանի տարուց հասավ միլիոնների:

 Motorola –ի շատ արտադրանքներ կարելի է համարել «աշխարհում առաջինը»: Ընկերությունը կանգնած է եղել այնպիսի հանրաճանաչ ստանդարտների արմատների մոտ, ինչպիսին են GPS և GPRS: 1991 թվականին ընկերությունը հիմնեց Iridium Inc.-ը, որը արբանյակային կապի ընկերություն էր և գրեթե ամբողջությամբ նվաճում էր Երկրի ողջ մակերևույթը: Motorola-ն նաև զբաղվել է միկրոպրոցեսորների մշակմամբ և Apple-ի համակարգիչները կառուցված են եղել հենց այդ պրոցեսորների յուրացմամբ: Ընկերությանը մեծ ճանաչում բերեց  StarTAC (1996 թվական) և MOTORAZR V3 (2004 թվական) բջջային հեռախոսները: 

  Ճիշտ է, վերջին տարիներին ընկերության գործերը այնքան էլ հաջող չէին բջջային հեռախոսների շուկայում: Ֆիրման շուկայում զբաղեցրած իր երկրորդ տեղը  զիջեց Samsung Mobile-ին и LG Electronics -ին:

 Դրանում մեղադրում էին  Էդ Զենդերին (Ed Zander), ով ֆիրմային նախկին CEO մասնագետն է: Սակայն 2010 թվականը հույս արթնացրեց, քանի որ թողարկվեցին Google Android օպերացիոն համակարգով սմարթֆոններ, չնայած հենց այդ թվականին իր առաջատարի տեղը ընկերությունը զիջեց Apple-ին: Առաջին անգամ պատմության մեջ այն դուրս եկավ բջջային հեռախոսներ արտադրողների հնգյակից: 2011 թվականին ընկերությունը բաժանվեց 2 մասի՝  Motorola Solutions (պետական և առևտրային կառույցների կապի ոլորտում լուծումներ իրականացնող) և Motorola Mobility (սմարթֆոններ, հեռախոսներ, պլանշետներ, իսկ 2012 թվականին այն ձեռք բերեց Google-ը, այնուհետև 2014 թվականին ֆիրման անցավ Lenovo-ին):

Հետաքրքիր է իմանալ.

Motorola բջջային հեռախոսի մշակումը իրականացվում էր Bell Laboratories-ի հետ մրցակցային պայմաններում: Այն ժամանակվա դոլարի կուրսով  ծախսվել է 100 միլիոն դոլար և մոտավորապես 10 տարի: Ի վերջո Motorola-ին հաջողվեց հաղթել, և 1973 թվականի ապրիլի 3-ին հեռախոսների մշակմամբ զբաղվող առաջատար մասնագետ Մարտին Կուպերը իրականացրեց պատմության մեջ առաջին զանգը բջջային հեռախոսից: Նա զանգեց Bell Laboratories գրասենյակ, որպեսզի ծաղրի նրանց:

Տեղ, վարկանիշ, տարի

2013

63        Ամենահասարակ բրենդները (Global Brand Simplicity Index), 2013

2009

78        ԱՄՆ-ի ամենամեծ ընկերությունները  (Fortune U.S. 100), 2009

2008

87        Աշխարհի լավագույն բրենդները (Best Global Brands), 2008

92        Աշխարհի ամենաթանկ բրենդները (BrandZ Top-100), 2008

2007

60        Աշխարհի ամենաթանկ բրենդները (BrandZ Top-100), 2007

77        Աշխարհի լավագույն բրենդները (Best Global Brands), 2007

Եթե հավանեցիք նյութը,  կիսվեք Ձեր ընկերների հետ: