Մի բրենդի պատմություն: Toyota

    Անցյալ դարի 30-ականների սկզբին Ճապոնիայում ավտոմեքենաների արտադրության հետ կապված մեծ իրադարձություն էր տեղի ունենում: 1930 թվականին կազմակերպվեց Daihatsu տրանսպորտային միջոցների արտադրությունը, իսկ 1933 թվականին ձևավորվեց Jidosha-Seido Ltd ընկերությունը՝ ապագայում Nissan ընկերությունը: Այդ թվին էլ ավտոմեքենաների արտադրության մեջ իր ուժերն է որոշում փորձել Toyoda Automatic Loom Works-ը, որը այդ ժամանակ զբաղվում է տեքստիլ արտադրանքի համար նախատեսված հաստոցների արտադրությամբ (ավստրիական արտադրող Platt Brothers -ի կողմից տրված լիցենզիային համապատասխան), իսկ այժմ ամբողջ աշխարհին հայտնի է այն պարզապես Toyota:

Այժմ դժվար է ասել, թե ինչն է ստիպել ընկերության հիմնադիր Սակիչի Տոյոդային (Sakichi Toyoda) նման անսպասելի քայլ կատարել: Հավանաբար այդ ժամանակ արևի ծագման երկրում մթնոլորտը մի տեսակ «ավտոմեքենային» էր: Ոչ պակաս կարևոր գործոն էր նաև պետական աջակցությունը: Նոր ճյուղի ղեկավար է դառնում հիմնադրի որդին՝ Կիիչիրո Տոյոդան (Kiichiro Toyoda):

Model AА 

   1935 թվականին մշակվեց ավտոմեքենայի առաջին մոդելը, որը ստացավ  անիմաստ անվանում՝ Model A1: 1936 թվականին այն իրականացրեց մասսայական արտադրություն Model AА անվան տակ: Զուգահեռաբար արտադրվեց նաև բեռնատար ավտոմեքենայի առաջին մոդելը՝ Model G1: Ընկերության ավտոմեքենաների ստորաբաժանումը, որը ունեցավ մեծ հաջողություն, 1937 թվականից անվանվեց Toyota Motor Co., Ltd: Այն առանձնացվեց որպես առանձին ընկերություն: Ուշադրություն դարձրեք, որ արդեն ոչ թե «Toyoda», այլ «Toyota», քանի որ  նրբաճաշակ ճապոնացիները գերադասեցին այն ավելի հնչեղ դարձնել (ճապոնացիների ականջին վայել):

    Երկրորդ համաշխարհային պատերազմը նոր զինվորական պատվերների հանգեցրեց՝ բեռնատարներ կայսերական բանակի համար: Դրանք հավաքվում էին տնտեսության չափազանց  դաժան պայմաններում (օրինակ, մեքենաների վրա դրվում էր միայն մեկ լուսարձակը, մինչև որ ամերիկյան ավիացիան վերջնականապես ռմբակոծեց ընկերության գործարանները):

  Պատերազմի ավարտը հանգեցրեց շատ դաժան ճգնաժամի: Սակայն Toyota Motor-ը, այնուամենայնիվ շուկա բաց թողեց փոքրիկ ավտոմեքենա Model SA: Մի որոշ ժամանակ ընկերությունը գտնվում էր գոյատևման փուլում՝ ծերը ծերին հասցնելով: Այս անգամ ընկերությանը «կյանք տվեց» կորեական պատերազմը: 1950 թվականին ստեղծվեց Toyota Motor Sales Co., ստորաբաժանումը, որը զբաղվում էր վաճառքով և գործեց մինչև 1982 թվականը:

   Ընկերության համար մեծ նաշանակություն ունեցավ 1956 թվականը, երբ ընկերությունը իր Toyota ավտոմեքենաները սկսեց վաճառել  ԱՄՆ-ում: Չնայած այն բանին, որ կային որոշ սխալներ, Toyota-ն կարողացավ ոչ միայն ամրապնդել դիրքերը ամերիկյան շուկայում, այլև առաջ գնալ այնտեղ: Աստիճանաբար սկսվում են հաջողակ փորձեր իրականացվել նաև այլ շուկաներում: Այսպիսով, 60-ականների սկզբին Toyota-ն մտնում է Եվրոպա և Ավստրալիա: Այդ ժամանակ էլ ստեղծվում է առաջին արտասահմանյան ընկերությունը:

 1962 թվականին հոսքագծից բաց թողնվեց միլիոներորդ  ատոմեքենան: 1966 նշանակալի էր նրանով, որ հայտնվում է Corolla-ն, որը պիտի ապագայում դառնար ընկերության ամենահայտնի մոդելներից մեկը: Այն մինչ այժմ էլ արտադրվում է:
   1967 թականին Toyota-ին միավորվեց Daihatsu Motor-ը:

   1972 թվականը ևս նշանավոր էր՝ թողարկվեց տաս միլիոներորդ ավտոմեքենան:    Իսկ հետագա տարիների ընթացքում նավթի ճգնաժամով պայմանավորված՝ ընկերությանը ավելի մեծ ճանաչում բերեց ավտոմեքենաների  տնտեսող և ոչ մեծ մոդելները՝ հատկապես ԱՄՆ-ում: Ամերիկյան ավտոմեքենա արտադրողները օժտված չէին նման համեստ ախորժակով և միևնույն ժամանակ՝ բարձր որակով:

1992 թվականին Toyota Motor Co., Ltd  և Toyota Motor Sales Co., Ltd  միավորվեցին՝ դառնալով Toyota Motor Corporation: Այդ ժամանակվա մյուս կարևոր իրադարձությունը մյուս ապրանքանիշի՝ Lexus-ի  ծնունդն էր:

   Հատկանշական էին նաև 90-ական թվականները: 1992 թականին  բացվում է Tokyo Design Center դիզայներական ստուդիան, ստեղծվում են դուստր հետազոտական ընկերություններ, ինչպես օրինակ,  Toyota System Research Inc. և Toyota System International Inc., ծնվում է Prius սերիան, որը պետք է հետագայում դառնար աշխարհում ամենահայտնի հիբրիդ  ավտոմեքենան: Toyota-ն գնում է մնացած բաժնետոմսերը և  վերջնականապես դառնում է  Daihatsu Motor-ի սեփականատերը:

Toyota Corolla

Toyota Corolla

Toyota Tundra

   Այսօր Toyota Motor Corporation աշխարհում խոշորագույն ավտոարտադրողներից է, որը շուկա  է բաց թողնում տարեկան միլիոնավոր ավտոմեքենաներ: Իր հիմնական ուղղությունների հետ զուգահեռ ընկերությունը մատուցում է նաև ֆինանսական ծառայություններ: Toyota ընկերությունում աշխատում են հարյուր հազարավոր մարդիկ ամբողջ աշխարհում: Արտադրվում են այնպիսի հայտնի ապրանքանիշեր, ինչպիսին են Yaris, Auris, Avensis, RAV4, Prado և այլն: Ընկերությունը շատ ակտիվ մասնակցություն է ունենում սպորտային մրցաշարերում՝ դա կլինի ավտոռալիներ, թե Ֆորմուլա 1:

Lexus 2016

Lexus 2016

Toyota FT1

RAV4 Premium

 Ընկերության համար անհաջող էին 21-րդ դարի առաջին տասնամյակի վերջին տարիները: 1950 թվականից սկսած չէր եղել այնպես, որ այդ ժամանակ ընկերությունը հայտարարեր վնասների մասին: Աշխարհում սկսվեց տարբեր տարաձայնություններ և վեճեր կապված ավտոմեքենաների ապահովության հետ:

 Հետաքրքիր է իմանալ.

    «Toyoda»-ի անվանափոխման պատճառը «Toyota»-ի ոչ միայն լավ հնչողությունն էր, այլև լավ գրառությունը: Բանն այն է, որ երկրորդ դեպքում անվանումը գրվում է կատականայով՝ ընդամենը 8 նշաններով (կատականան ճապոնական երկրորդ այբուբենն է, որով գրվում են օտարամոլ բառերը, այսինքն ոչ իրենց ստեղծած բառերը), իսկ 8-ը Ճապոնիայում համարվում է հաջողակ թիվ:

   Երկար ժամանակ ընկերության լոգոն, որպես այդպիսին բացակայում էր և «Toyota» գրառումը ավտոմեքենաների վրա տարբեր ձևերով էր հանդիպում, և դա առաջացնում էր բազմաթիվ խնդիրներ: Ի վերջո 1989 թվականին ստեղծվեց լոգոն, որը մինչ այժմ էլ կիրառվում է: Այն համարվում է ամենաճանաչելի լոգոներից մեկը: «Т» ուրվագծի երկու օվալների համադրումը ըստ դիզայներների, նշանակում է փոխշահավետ համագործակցություն և մեծ օվալը  խորհրդանշում է  ընկերության հետագա ծրագրերը, որոնք ծգտում են համաշխարհային գերակայության:

Դիտեք Toyota-ի գեղեցիկ գովազդային տեսահոլովակներից մեկը:

Տեղ, Վարկանիշ, Տարի

 2015

6          Աշխարհի լավագույն բրենդները (Best Global Brands), 2015

30        Աշխարհի ամենաթանկ բրենդները (BrandZ Top-100), 2015

8            Աշխարհի ամենաարժեքավոր բրենդները (Forbes), 2015

2014

7          Ապագայի բրենդները (The FutureBrand Index), 2014

8          Աշխարհի լավագույն բրենդները (Best Global Brands), 2014

9          Աշխարհի խոշորագույն ընկերությունները (Fortune Global 100), 2014

9          Աշխարհի ամենաթանկ բրենդները (The World's Most Valuable Brands), 2014

11        Աշխարհի ամենաթանկ բրենդները (BrandFinance Global), 2014

26        Աշխարհի ամենաթանկ բրենդները (BrandZ Top-100), 2014

2013

1          «Ամենականաչ» բրենդները (Best Global Green Brands), 2013

1          Խոշորագույն ճապոնական բրենդները (Japan's Best Global Brands), 2013

8          Աշխարհի խոշորագույն ընկերությունները (Fortune Global 100), 2013

10        Աշխարհի լավագույն բրենդները (Best Global Brands), 2013

13        Լավագույն ավտոմոբիլային բրենդները (AutomarxX Brand Ranking), 2013

14        Աշխարհի ամենաթանկ բրենդները (The World's Most Valuable Brands), 2013

23        Աշխարհի ամենաթանկ բրենդները (BrandZ Top-100), 2013

24        Ամենաարժեքավոր բրենդները (Top Global Meaningful Brands Index), 2013

30        Ամենահասարակ բրենդները (Global Brand Simplicity Index), 2013

2012

1          «Ամենականաչ» բրենդները (Best Global Green Brands), 2012

10        Աշխարհի խոշորագույն ընկերությունները (Fortune Global 100), 2012

10        Աշխարհի լավագույն բրենդները (Best Global Brands), 2012

14        Ռուսների կողմից ամենասիրված բրենդները, 2012

28        Աշխարհի ամենաթանկ բրենդները (BrandZ Top-100), 2012

30        Բրենդներ, որոնք կարող են փոխել աշխարհը (Planet Brands), 2012

2011

8          Աշխարհի խոշորագույն ընկերությունները (Fortune Global 100), 2011

11        Աշխարհի լավագույն բրենդները  (Best Global Brands), 2011

14        Ռուսների կողմից ամենասիրված բրենդները, 2011

27        Աշխարհի ամենաթանկ բրենդները (BrandZ Top-100), 2011

2010

5          Աշխարհի խոշորագույն ընկերությունները (Fortune Global 100), 2010

11        Աշխարհի լավագույն բրենդները  (Best Global Brands), 2010

11        Ռուսների կողմից ամենասիրված բրենդները, 2010

26        Աշխարհի ամենաթանկ բրենդները (BrandZ Top-100), 2010

2009

5          Ռուսների կողմից ամենասիրված բրենդները, 2009

8          Աշխարհի լավագույն բրենդները (Best Global Brands), 2009

10        Աշխարհի խոշորագույն ընկերությունները (Fortune Global 100), 2009

14        Աշխարհի ամենաթանկ բրենդները (BrandZ Top-100), 2009

2008

6          Աշխարհի լավագույն բրենդները (Best Global Brands), 2008

12        Աշխարհի ամենաթանկ բրենդները (BrandZ Top-100), 2008

2007

6          Աշխարհի լավագույն բրենդները (Best Global Brands), 2007

10        Աշխարհի ամենաթանկ բրենդները (BrandZ Top-100), 2007