Մարքեթոլոգներ շարունակում են ծախսեր իրականացնել սոցիալական
մեդիայի վրա՝ չնայած արդյունքների բացակայության: Հետազոտությունները ցույց են տալիս,
որ շուկայագետների միայն 11.5%-ը կարող են ցույց տալ սոցիալական մեդիայի ազդեցությունը: Առաջիկա
5 տարիներին սպասվում է, որ մարքեթոլոգները կկրկնապատեն իրենց ծախսերը սոցիալական մեդիայի
վրա, չնայած նրանց մեծամասնությունը չեն կարողանում ցույց տալ դրա ազդեցությունը իրենց
բիզնեսի վրա: (ըստ Դելոիթ և Դյուք համալսարանի Ֆուքուա բիզնես դպրոցի տարեկան հաշվետվության, Մարքեթինգի Ամերիկյան Ասոցիացիա
):
Ինտերնետ հարցումների համաձայն 289 մարքեթոլոգների պատասխանները
վկայում են, որ այսօր սոցիալական մեդիայի վրա իրականացված ծախսերը կազմում եմ մարքեթինգային
բյուջեների 10.6 %-ը, և այդ թիվը, ինչպես որ սպասվում է կարող է հասնել 20.9 %-ի 5 տարիների
ընթացքում: Իսկ 2009 թվականին այդ թիվը կազմում էր 5.6%:
 |
| Դելոիթ և Դյուք համալսարանի Ֆուքուա բիզնես դպրոց տարեկան հաշվետվություն, Մարքեթինգի Ամերիկյան Ասոցիացիա |
Չնայած աճող ծախսերին, հարցմանը մասնակցող մարքեթոլոգների գրեթե
կեսը (47,9%) հայտարարել է, որ նրանք դեռևս
չեն կարողացել ցույց տալ դրա ազդեցությունը
իրենց բիզնեսի վրա: Հարցման մասնակցիների 40%-ից ավելին ասել են, որ նրանք զգում են
դրա ազդեցիկությունը, բայց միևնույն ժամանակ ընդամենը 11. 5%-ն են վստահեցնում, որ կարող են ապացուցել դա քանակական
արդյունքներով:
Ֆուքուայի պրոֆեսոր և հետազոտության մենեջեր Քրիսթին Մուրմանը
ասել է, որ մարքեթոլոգները շարունակում են ծախսել սոցիալական մեդիայի վրա՝ ելնելով դրա կարևոր նշանակությունից
և հաճախորդների հետ անմիջական կապերի պահպանման տեսանկյունից: Սակայն նրանք որոշում
են իրենց դոլարները ներդնել որոշակի ոլորտներում, ընկերությունների 62,6%-ը վկայում
են, որ իրենք կշարունակեն ներդրումներ իրականացնել բովանդակություն (content) ստեղծելու վրա և միայն
43,6% -ն են կենտրոնանում վերլուծություններ իրականացնելու վրա: Նա նաև ավելացնում
է, որ վերլուծությունների անհրաժեշտությունն էլ բխում է սոցիալական մեդիայի ազդեցության
արդյունավետության բարձրացման առումից:
Սոցիալական մեդիայի ազդեցության արդյունավետութունը մարքեթինգային
ռազմավարությունների վրա 1-7 բալային սանդղակով ըստ մարքեթոլոգների գնահատականների
կազմել է միջինը 4.2: Մուրմանը նշում է, որ,
եթե ընկերությունները ուզում են իրոք լավ արդյունք ունենան սոցիալական մեդիայից, այն
պետք է սերտ կապված լինի մարքեթինգի մյուս մասի հետ և բխի նրանից:
Հետազոտությունից ևս մեկ հետևությունն այն է, որ ավանդական գովազդային
ծախսերը կունենան նվազում հաջորդ 12 ամիսների
ընթացքում: Այնուամենայնիվ բջջային հավելվածներին ուղղված մարքեթինգային ծախսերը հաջորդ
3 տարիների ընթացքում կաճեն 3 անգամ՝ կազմելով
մարքեթինգային ընդհանուր բյուջեի 14,6%՝ 5,9%-ի փոխարեն: Ըստ Մուրմանի ահազանգող ցուցանիշ
է այն, որ սպառողների գնումների, հաղորդակցության և սոցիալական մեդիայի թիմերի ինտեգրվածության
ցուցանիշը կազմում է 3.4 բալ՝ 1-7 բալային սանդղակում, ինչը համաձայն 2015 թվականի
փետրվարի հետազոտության կազմել է 3.7: Այս արդյունքը, ըստ Մուրմանի բխում է այն բանից,
որ յուրաքանչյուր թիմ աշխատում է անկախ և ոչ թե համատեղ:
Եթե հավանեցիք նյութը, կիսվեք Ձեր ընկերների հետ:
Комментариев нет:
Отправить комментарий